- Tíðindi, mentan og ítróttur
Beautyvarpið
Nadia Abrahamsen er gestur í Beautyvarpinum.
Hon og Pól Johannus hava nóg mikið at tosa um.
Til dømis drekkur Nadia bara eitt slag av cola fyri tíðina.
Hon fortelur eisini, at hon byrjaði at sminka sær, tá hon royndi eftir sínum lærara. Tað eydnaðist eftir trý ár.
Nadia hevur skipað fyri Faroe Islands Minority Film Festival fleiri ferðir. Sjálv er hon minniluti á ymiskan hátt: Hon er samkynd, hon er myrk, hon er hálvur palestini og hon er kvinna.
Nadia tosar um sítt upphav, og hvussu tað kennist, at kríggj er í Gaza, haðani hon er ættað.
Nadia elskar at búgva í Keypmannahavn, men herfyri var hon fyri eini ræðiligari hending: Hon fekk sonevnt "rape drug" í drinkin á eini kafé í Keypmannahavn eitt mánakvøld.
Beautyvarpið
Beautyvarpið er eitt frírúm, har vit blanda saman smyrsl og samrøðu.
Til hvønn part hevur Pól Jóhannus ein nýggjan gest við sær inn í sminkirúmið, har tosað verður um leyst og fast - alt frá góðum ráðum um smyrsl til samfelagslig viðurskifti.
Lagt til rættis: Pól Jóhannus Toftegaard Larsen
Upptøka: Dina Fríða Poulsen
Myndaviðgerð: Jakob Jørgensen
Redaktørur: Finnur Koba