- Tíðindi, mentan og ítróttur
Beautyvarpið
Marianna Nagata vitjar Pól Jóhannus og Beautyvarpið.
Tey tosa um mangt og hvat.
Bæði ivast í, hvørt tað er rætt, at samfelagið er uppbygt eftir at skapa so stóran búskaparvøkstur, sum gjørligt.
Eitt er tó blivið betri seinnu árini. Tú skammast ikki longur yvir at siga, at tú hevur ein dreym at gerast sangari.
Tey eru eisini samd um, at tað er keðiligt at arbeiða einsamallur.
Nakrir spurningar eru komnir frá hyggjarum. Ein spyr um teirra uppvøkstur.
Marianna greiðir frá, hvussu hon er uppvaksin partvíst í Hoyvík og partvíst í L.A.
Pól Jóhannus, hinvegin, hevur slitið allar sínar barnaskógvar í Fuglafirði, sum er ein fitt bygd við fittum fólkum - men í so konservativt. Hetta kom m.a. til sjóndar, tá ein sjónleikabólkur bleiv vendur í hurðini í skúlanum, tí tey vildu varpa ljós á samkyndleika.
Beautyvarpið
Beautyvarpið er eitt frírúm, har vit blanda saman smyrsl og samrøðu.
Til hvønn part hevur Pól Jóhannus ein nýggjan gest við sær inn í sminkirúmið, har tosað verður um leyst og fast - alt frá góðum ráðum um smyrsl til samfelagslig viðurskifti.
Lagt til rættis: Pól Jóhannus Toftegaard Larsen
Upptøka: Dina Fríða Poulsen
Myndaviðgerð: Jakob Jørgensen
Redaktørur: Finnur Koba