Heiðrik á Heygum vitjar Beautyvarpið hesaferð.

Sum nakað nýtt sminkar gesturin ikki sær sjálvum. Ístaðin hevur Pól Johannus fingið uppgávuna at sminka Heiðriki.

Heiðrik greiðir frá, hvat hann tekst við. Eitt nú arbeiðir hann við einum musical og einum filmi um happing umborð á skipum.

Smyrsl er eisini samrøðuevni.

"Eg eri ein sovorðin typa, sum dámar feilir. Mær dámar væl, at tú sært æðrar og sovorðið," sigur Heiðrik millum annað.

Homofobi er aftur eitt samrøðuevni í hesum partinum. Teir tosa um, at viðurskiftini eru batnað seinnu árini.

Teir báðir tosa eisini um "guilty pleasures". Meðan Heiðrik etur sunt, so er Pól Jóhannus meira ósunnur. Hann hevur ein veikleika fyri ísi - ella icecream, sum hann tekur til.

Hetta fær prátið til at snúgva seg um, hví summir føroyingar brúka so nógv ensk orð í sínum málburði.

"Hví tosar tú so nógv enskt, by the way?, spyr Heiðrik millum annað.