Beautyvarpið við Onnu

22-11-2023

Beautyvarpið er eitt frírúm, har vit blanda saman smyrsl og samrøðu.

Anna Katrin Mohr er gestur í øðrum parti av Beautyvarpinum.

Hon tosar m.a. um sín alsk til appina Co-Star, har tú kanst lesa um títt stjørnutekin og sammeta tað við teknið hjá vinfólkum.

Pól Jóhannus fegnast um, at Anna Katrin júst hevur fingið koyrikort. So kunnu tey koyra biltúr. Júst sum tá Pól Jóhannus fekk koyrikort.

Anna Katrin fegnast tó ikki um bilin, hon keypti fyri 14.000 krónur. Hon bleiv "scammed".

Tey umrøða Avstralia, har fólk mugu hava fleiri arbeiði fyri at fáa endarnar at røkka.

Arbeiðið í Føroyum verður eisini umrøtt. Serliga tann eini arbeiðsstólurin, sum var so vánaligur, at Anna Katrin datt aftur um í apoteksveggin, so allir panodil-pakkarnir duttu á gólvið.

Beautyvarpið

Beautyvarpið er eitt frírúm, har vit blanda saman smyrsl og samrøðu.

Til hvønn part hevur Pól Jóhannus ein nýggjan gest við sær inn í sminkirúmið, har tosað verður um leyst og fast - alt frá góðum ráðum um smyrsl til samfelagslig viðurskifti.

Lagt til rættis: Pól Jóhannus Toftegaard Larsen

Upptøka: Dina Fríða Poulsen

Myndaviðgerð: Jakob Jørgensen

Redaktørur: Finnur Koba