Tanja er fødd í Serbia; men flutti til Føroya við familjuni, tá hon var lítil. Í Beautyvarpinum tosar hon um sín uppruna, og hvussu hon og Pól Jóhannus hittust tilvildarliga í býnum og avtalaðu at gera eitt Beautyvarp. Tey bæði tosa eisini um fyribrigdi Sleep Paralysis, sum Pól Jóhannus upplivdi herfyri. Tanja tosar eisini um arbeiðið í Heygabúðini og eina keðiliga uppliving við einum kunda, sum endaði við at verða dømdur fyri at hava verið ónærisligur móti henni. Hárbleiking er eisini evni í hesum parti. Tanja hevur roynt mangt og hvat, áðrenn hon lendi við tí hárlitinum, hon nú hevur.