- Tíðindi, mentan og ítróttur
Niðurlond partvísa ábyrgd av Srebrenica
Hægstirættur í Niðurlondum hevur staðfest, at Niðurlond hava partvíst ábyrgd av fólkadrápinum í Srebrenica.
Í 1995 vóru 8.000 muslimskir menn og dreingir myrdir í bosniska statinum, Srebrenica, hóast ST-deildir skuldu verja statin. Meira enn 300 niðurlendskir hermenn vóru har, men fóru frá sín støð.
Ringasta fólkadráp síðani seinna heimsbardaga
Í 1991 brast borgarakríggj á í fyrrverandi Jugoslavia, eftir at fleiri landspartastýri høvdu lýst seg at vera sjálvstøðug ríki. Kríggið í Bosnia brast á í 1992.
Í juli 1995 vóru 8.000 menn og dreingir myrdir í Srebrenica, hóast hollendskar friðarvarðveitandi herdeildir annars skuldu verja statin.
Hendingin í Srebrenica í 90-unum verður lýst, sum ringasta fólkadráp í Evropa síðani seinna heimsbardaga og Holocaust.
Hægstirættur staðfest ábyrgdina
Í 2017 viðgekk niðurlendski staturin seg lutvíst at hava ábyrgd av hendingunum, skrivar De Telegraaf. Nú hevur Hægstirættur í Niðurlondum staðfest tað, sambært Reuters.
Dómstólurin skrivar í frágreiðing, at niðurlendsku hermenninir kundu havt forðað fyri, at 350 muslimskir menn endaðu í hondunum á bosniskt-serbisku herdeildunum.
Borgarakríggið í Bosnia árini frá 1992 til 1995 kravdi umleið 100.000 mannalív, og 2,2 milliónir fólk flýddu undan krígnum.