Byrja farmarutu til Hanstholm

Tað fer at hava við sær, at eitt nú feskar føroyskar fiskavørur kunnu vera frammi á evropeiska marknaðinum sunnukvøld.

Stjórin, Bogi P. Nielsen, sigur í skrivi, sent fjølmiðlunum, at viðskiftafólkini fáa við hesum betri avskipingarmøguleikar úr Føroyum og betri atkomu til útlendsku marknaðirnar.

Í fjør var havnin í Hanstholm liðugt útbygd fyri meira enn 650 milliónir krónur. Fyrsti túrurin hjá Faroe Ship til Hanstholm verður 14. apríl.