Meira verður alt í ár

21.02.2021 - 09:08
AktueltVinna
Meira verður alt í ár
Alt bendir á, at tær tríggjar alifyritøkurnar í landinum fara at ala meira í ár enn í fjør
Alingin veksur í ár.
 

Alt bendir á, at tær tríggjar alifyritøkurnar í landinum fara at ala meira í ár enn í fjør.

Í 2020 vórðu tikin 73.000 tons av laksi í kruvdari vekt, sum var nakað minni enn í 2019.

Metingarnar fyri í ár siga, at alingin veksur 6-10 prosent. 

Vøksturin hevur samband við stóru íløgurnar, sum eru gjørdar í smoltstøðir á landi seinastu árini, verður upplýst alifrágreiðingini frá Helga Abrahamsen, landsstýrismanni í vinnumálum.

Hálv milliard í landskassan

Landskassin fær góða hálva milliard krónur um árið í beinleiðis inntøkum frá alivinnuni.

Frá 2015 til 2019 rindaði alivinnan knappar 2,2 milliardir í skatti og avgjøldum til landskassan. Men støðan við koronu hevur við sær, at marknaðarprisurin fall í fjør, og tað ávirkar eisini inntøkurnar hjá landskassanum.

Helgi Abrahamsen sigur, at búskaparliga gongdin í alivinnuni hevur verið framúr góð seinastu árini. 

Aðalorðaskifti

Tær tríggjar alifyritøkurnar, Bakkafost, Mowi og Luna, hava umsett fyri 22,4 millardir krónur seinastu fimm árini. Íløgur eru gjørdar fyri 9,2 milliardir krónur, og 2,7 milliardir eru goldnar í vinningsbýti.

Umleið 1.000 løntakarar eru í alivinnuni í løtuni. Lønargjaldingarnar í vinnuni í 2019 vóru meira enn 400 milliónir kr. 

Aðalorðaskifti um alifrágreiðingina hjá Helga Abrahamsen, landsstýrismanni, verður í tinginum mikudagin.

Er kopiera
Nýggjastu sendingar í ÚV
Leygardag 17. apríl
Frá fyrsta Smirli til í dag - 11. sending
122923
Leygardag 17. apríl
TEMAPLÁTAN: New Jersey, Bon Jovi, 1988
122961
Leygardag 17. apríl
Hetta heilaga Evangeliið skrivar
122959
Leygardag 17. apríl
Brunsj við Niels Petur Nolsøe (NePtuN)
122958
Leygardag 17. apríl
Akkerini vóru bjargingin
122792
Nýggjastu sendingar í SV
Leygardag 17. apríl
Hondbóltur: VÍF - H71
122963
Hósdag 15. apríl
Tóki
122879
Mikudag 14. apríl
Hondbóltur: H71 - VÍF
122834
Mikudag 14. apríl
Hondbóltur: Neistin - STIF, 1. FM-finalan
122833
Týsdag 13. apríl
Katrin Danielsen, Ílegusavnið
118857