Áralangar áheitanir men eingin handling

Tað er óvirðiligt at fólk, sum bera brek, verða brúkt, sum jarnbrot í sáttmálatrætum. Tað heldur forkvinnan í MEGD, sum mælir til breiða politiska semju,sum tryggjar brekøkið undir verkføllum.
Helgi Abrahamsen, landsstýrismaður í arbeiðsmarknaðarmálum, ætlar nú at lóggeva Almannaverkinum rætt til undantøk frá verkfallinum.
Andstøðan er harðliga ímóti at draga verkfallið hjá Pedagogfelagnum inn í løgtingið. Tjóðveldi, Javnaðarflokkurin og Framsókn vilja ikki víkja frá tíðarfreistunum, og flokkarnir fara eisini at atkvøða ímóti lógaruppskotinum. 
Lógaruppskotið hjá Helga Abrahamsen verður lagt fyri tingið í morgin. Fyrsta viðgerð verður fríggjadagin, og onnur og triðja viðgerð verða ikki fyrr enn síðst í næstu viku.