Javnaðarflokkurin gloppar dyrnar

26.02.2021 - 19:55
AktueltPolitikkur
Javnaðarflokkurin gloppar dyrnar
Men gjøldini skulu vera hægri, tá tað gongur væl í vinnuni, og so skal proppur setast í fyri nýggjum útlendskum kapitali, sigur Aksel V. Johannesen

Tak niður

Teir tríggir andstøðuflokkarnir - Javnaðarflokkurin, Tjóðveldi og Framsókn - eru boðsendir á fund við Jørgen Niclasen mikudagin í næstu viku. Landsstýrismaðurin í fíggjarmálum vil tosa um møguleikarnar fyri at finna eina breiða semju um eina varandi skipan við veiðigjøldum, ið skal avloysa verandi krónugjøld.

Leisturin er í stuttum, at ein ávísur prosentpartur av miðal avreiðingarprísinum árið fyri verður umroknaður til krónur og ásettur sum veiðigjald árið eftir. Prosentparturin er ymiskur, alt eftir um miðalprísurin er lágur ella høgur.

Javnaðarflokkurin við hava størri spenni í prosentpartin - bæði soleiðis at minni verður goldið av vánaligum prísum og meira verður goldið av høgum prísum. Og so ynskir flokkurin eisini, at sjófeingislógin verður broytt, soleiðis at nýggjur, útlendskur kapitalur ikki longur sleppur inn í føroysku fiskivinnuna.

Í innslagnum er samrøða við Aksel V. Johannesen, formann í Javnaðarflokkinum. Síðani meta Annita á Fríðriksmørk, fyrrverandi løgtingskvinna fyri Tjóðveldi og Jóannes Eidesgaard, fyrrverandi løgmaður og formaður í Javnaðarflokkinum, um útlitini fyri breiðu semjuni.

 
Er kopiera
Nýggjastu sendingar í ÚV
Hósdag 22. apríl
RagnarRokk 22.apríl "Jorn Lande"
122921
Hósdag 22. apríl
BREDDIN
123177
Hósdag 22. apríl
Nón 22. apríl 2021
123174
Hósdag 22. apríl
Mono: Sangleikir (1:5)
123165
Hósdag 22. apríl
Jazzofonin 21. apríl
123160
Nýggjastu sendingar í SV
Mánadag 19. apríl
3-2
123045
Sunnudag 18. apríl
Andakt við Beintu Áargarð
122973