Russland skuldsetir Ukraina fyri dronuálop

bannari
Russland skuldsetir Ukraina fyri dronuálop
Eitt álop við dronum skal hava verið ímóti flogvøllinum í russiska Kursk-landspartinum, skrivar guvernørurin í økinum á tíðindatænastuni Telegram
Ein hernaðarflogvøllur í Russlandi skal eftir øllum at døma vera álopin við ukrainskum dronum
Mynd: Maxar Technologies/Reuters/Ritzau Scanpix  
 
06.12.2022 - 07:48

Guvernørurin í økinum, Roman Starovoyt, skrivar á tíðindatænastuni Telegram, at eingin lat lív og eingin fekk løstir í álopinum, skrivar Reuters.

Tíðindastovan hevur tó ikki fingið tíðindini váttað.

Kursk er á markinum til Ukraina.

 

Russland skuldsetir Ukraina

Í gjár skuldsettu russiskar deildir Ukreina fyri at hava framt álop við dronum móti tveimum hernaðarflogvøllum í Russlandi.

Trý fólk lógu eftir á og fleiri fingu skaða á báðum álopunum, skriva russiskir myndugleikar.

 

Tvey flogfør oyðiløgd

New York Times skrivaði í gjárkvøldið, sambært Reuters, at Ukraina framdi álopi móti tveimum hernaðarstøðum fleiri kilometrar inni í Russlandi við ómannaðum dronum.

Tíðindini hevur blaðið frá einum ukrainskum embætismanni.

Dronurnar vóru sendar avstað úr ukrainskum øki, og í minsta lagi tvey flogfør eru løgd í oyði á aðrari herstøðini og fleiri onnur fingu skaða, skrivar blaðið.

Er kopiera
Nýggjastu sendingar í SV
Hósdag 9. mai
Komið øll við (1:2)
174846
Hósdag 9. mai
Andakt við Theodor Eli Dam Olsen
174860
Hósdag 9. mai
Føroyar - Norðurmakadonia (34-27)
174843
Týsdag 7. mai
Veðrið
174774