Landið rindar ferðaútreiðslurnar

Landið, og ikki Barnaverndartænastan, skal gjalda ferðaútreiðslurnar hjá fólki, sum fara av landinum at vera saman við børnum sínum.

Barnaverndartænastan rindar ferðaútreiðslurnar í sambandi við samveru í Føroyum.

Hon skal, sambært galdandi lóg, eisini gjalda útreiðslurnar hjá teimum, sum fara av landinum í sambandi við samveru á stovni.

Men tað skal, sambært lógaruppskotinum, sum nú er komið úr Almannamálaráðnum, broytast, so landskassin rindar.

Lógin verður afturvirkandi til 14.desember í fjør, tá galdandi lóg kom í gildi.