Skulu staðfesta bretska frábrigdið av koronu

bannari
16.02.2021 - 13:59
AktueltHeilsa
Skulu staðfesta bretska frábrigdið av koronu
Fyribils kanningar vísa, at eitt ferðafólk, sum kom við flogfari fyrradagin, er smittað av B.1.1.7
Lars Fodgaard Møller, landslækni, sigur, at ferðafólk, sum vóru í sama flogfari sum tann smittaði, skulu ansa væl eftir, tí bretska frábrigdið smittar nógv verri enn vanliga koronuvirusið
 

Fyrsta dagin verður endaliga staðfest, um bretska frábrigdið av Covid-19, B.1.1.7, aftur er í Føroyum.

Smittaða fólkið kom til Føroya við flogfari fyrradagin, og kanningin vísti eitt veikt postitivt útslag. Tí varð viðkomandi kannaður aftur í gjár, og tá var eingin ivi, sigur Lars Fodgaard Møller, landslækni, við útvarpið.

Fyribils kanningar vísa, at talan er um bretska frábrigdið, men tað skal endaliga staðfestast.

Skulu ansa eftir

Øll ferðafólkini, sum vóru við flogfarinum, eru kunnað og mint á tilmælini um heimauppihald. Landslæknin sigur, at tey skulu vera serliga ansin næstu dagarnar, tí bretska frábrigdið av koronu smittar verri enn upprunaliga virusið.

Aftrat teimum vanligu tilmælunum, eru ferðafólkini, sum sótu tætt við tann smittaða í flogfarinum, eisini biðin um at lata seg kanna fjórða dagin, sigur landslæknin.

Bretska frábrigdið er staðfest einaferð fyrr í Føroyum.

Mest útbreitt í Danmark

At tað bretska frábrigdið nú kemur til Føroya, er kanska ikki so løgið, tí tað er tað mest útbreidda í Danmark í løtuni, skrivar Politiken.

Sambært hagtølum hjá danska Serumstovninum, vóru 52,5 prosent av øllum teimum smittaðu leygardagin smittað av bretska frábrigdinum av koronu.

Er kopiera

Sí eisini

Nýggjastu sendingar í ÚV
Leygardag 17. apríl
Frá fyrsta Smirli til í dag - 11. sending
122923
Leygardag 17. apríl
TEMAPLÁTAN: New Jersey, Bon Jovi, 1988
122961
Leygardag 17. apríl
Hetta heilaga Evangeliið skrivar
122959
Leygardag 17. apríl
Brunsj við Niels Petur Nolsøe (NePtuN)
122958
Leygardag 17. apríl
Akkerini vóru bjargingin
122792
Nýggjastu sendingar í SV
Leygardag 17. apríl
Hondbóltur: VÍF - H71
122963
Hósdag 15. apríl
Tóki
122879
Mikudag 14. apríl
Hondbóltur: H71 - VÍF
122834
Mikudag 14. apríl
Hondbóltur: Neistin - STIF, 1. FM-finalan
122833
Týsdag 13. apríl
Katrin Danielsen, Ílegusavnið
118857