Meira enn helvtin av elframleiðsluni var grøn

18.01.2021 - 14:02
AktueltUmhvørvi
Meira enn helvtin av elframleiðsluni var grøn
Váta og lutfalsliga lýggja veðrið í desember í fjør hevði við sær, at serliga vatnorkuframleiðslan royndist væl
Vatnorkuframleiðslan hjá SEV í desember vaks 15 prosent
 

Í desember vóru 58 prosent av elframleiðsluni í Føroyum burðardygg og stavaðu frá annaðhvørt vatni, vindi, sól ella biogassframleiðslu.

Váta og lutfalsliga lýggja veðrið í desemberí fjør hevði við sær, at serliga vatnorkuframleiðslan royndist væl, og hon var 15 prosent størri enn í desember 2019. 

Meira enn 21 burðardyggir GWt vórðu framleiddir í 2020, og í tilsamans 3,35 samdøgur var elframleiðslan meira enn 80 prosent grøn. Burðardygga framleiðslan í desember árið fyri kom upp á 19 GWt.

Prosentbýtið í desember 2020 var 42 prosent olja, sløk 43 prosent vatnorka, og vindorkan kom upp á 14 prosent. 

Fleiri brek í Neshaga og Húsahaga

Vindorkuframleiðslan hilnast ikki so væl í fjør, m.a. tí at generatorbrek vóru á fleiri myllum í Neshaga og í Húsahaga. Vindorkutølini í desember umfata framleiðslu í Húsahaga, Neshaga, Porkeri og í vindmyllulundini hjá Røkt í Vestmanna.

Biogassframleiðslan var gott og væl eitt prosent av samlaðu framleiðsluni, sum svarar til nýtsluna hjá umleið 1200 húskjum. Sólorkuframleiðslan í desember var 0,77 MWt, sum ikki gevur útslag í samlaða prosentbýtinum.

Tað regnaði meira, meðan nakað minni var av vindi í desember í fjør samanborið við desember 2019. Avfallið í desember 2020 var 385,5 mm  samanborið við 358,6 mm í desember 2019.

Er kopiera
Nýggjastu sendingar í ÚV
Týsdag 20. apríl
Óhoyrt
123085
Týsdag 20. apríl
LEITISSTEIN 19.04.2021
123084
Týsdag 20. apríl
Nón 20. apríl 2021
123082
Týsdag 20. apríl
Tempo
123072
Týsdag 20. apríl
Tempo
123071
Nýggjastu sendingar í SV
Mánadag 19. apríl
3-2
123045
Sunnudag 18. apríl
Andakt við Beintu Áargarð
122973
Sunnudag 18. apríl
Guðstænasta í Vesturkirkjuni
122971
Leygardag 17. apríl
Hondbóltur: VÍF - H71
122963
Hósdag 15. apríl
Tóki
122879