Leiga eitt flogfar til Kanarisku oyggjarnar

08.01.2021 - 15:45
AktueltVinna
Leiga eitt flogfar til Kanarisku oyggjarnar
Nú verða trý flogfør eftir í flotanum hjá Atlantsflogi
Í summar vera trý flogfør eftir í flotanum hjá Atlantsflogi.Tey eru øll eins og taka 174 ferðafólk
 

Atlantic Airways og felagið Lattitude HUB SA á Kanarisku oyggjunum hava skrivað undir sáttmála um, at Lattitude HUB frá juni í ár langtíðarleigar síðsta flogfarið av slagnum Airbus A319 frá Atlantic Airways.

Leigutíðin er fýra ár, boðar Atlantsflog frá seinnapartin. Leigusáttmálin hevur við sær, at Airbus A319-flogfarið fer úr flotanum hjá Atlantic Airways í summar, og flogfelagið hevur tá trý flogfør eftir.

Felagið hevur eina tíð kannað møguleikar fyri at leiga út Airbus A319-flogfarið, ið er tað minsta av flogførunum.

Fer úr Føroyum í juni

Hóast altjóða flogvinnan er hart rakt við stórari og ógvusligari afturgongd í ferðafólkatølum, orsakað av koronufarsóttini, hevur eydnast at fáa leiguavtalu í lag við felagið Lattitude HUB SA á Kanarisku oyggjunum.

Lattitude HUB yvirtekur A319 flogfarið í juni, og leigutíðin er fýra ár. Felagið Lattitude HUB SA er nýtt felag, ið kanariska hotelfelagið AS Hotels saman við kanarisku stjórnini og flogfelagnum One Airways eiga.

One Airways fer at standa fyri rakstrinum av flogfarinum, ið ætlandi fer at styrkja um ferðavinnuna á oynni Tenerife. Frá í summar fer Atlantic Airways at hava trý Airbus A320 flogfør og tvær tyrlur av slagnum AW 139.

Tillaga flotan

Vit fegnast um leigusáttmálan við Lattitude HUB, ið ger tað møguligt at tillaga flotan til væntaða virksemið, tá koronufarsóttin hasar av, samstundis sum øll flogførini verða á somu stødd við 174 flogsetrum.

Tað ger tað lættari at leggja flogferðsluna til rættis, sigur Jóhanna á Bergi, stjóri í Atlantic Airways, í tíðindaskrivi.

Atlantic Airways hevur flogið við Airbus 319 flogførum síðani mars 2012, tá fyrsta Airbus-flogfarið kom í flotan.

Er kopiera
Nýggjastu sendingar í ÚV
Fríggjadag 14. mai
Jazzofonin: Jazzur um børn
124230
Fríggjadag 14. mai
Fór út av eggini og hekk á stongini
124225
Fríggjadag 14. mai
Góðan morgun Føroyar 14.05.2021
124217
Hósdag 13. mai
RagnarRokk 13.mai 2021
124075
Nýggjastu sendingar í SV
Hósdag 13. mai
Guðstænasta í Vesturkirkjuni
124199
Mánadag 10. mai
3-2
124088
Sunnudag 9. mai
Andakt við Øyvindi Bjerkenes
124018
Sunnudag 9. mai
Guðstænasta í Leirvíkar kirkju
124011