Atlantsflog skal hava fíggjarliga hjálp

24.09.2020 - 14:24
AktueltPolitikkur
Atlantsflog skal hava fíggjarliga hjálp
Nevndarformaðurin í flogfelagnum váttar, at arbeitt verður við einari loysn at leggja fyri landsstýrið, sum eigur Atlantsflog
Ein greining vísir, at Atlanstflog í ringasta føri fer at hava 179 mió. kr. í halli í ár
Mynd: Bjarni Árting Rubeksen  
 

Alt bendir á, at Atlantsflog skal hava nýggjan kapital.

Tað váttaði Jørgen Niclasen, landsstýrismaður í fíggjarmálum, í tinginum fyrr í dag.

Jørgen Niclasen vil ikki útgreina, hvat hetta merkir. Hann hevur ikki fleiri viðmerkingar til málið.

Arbeiða við loysn

Niels Mortensen, nevndarformaður í Atlantsflog, váttar fyri Kringvarpinum, at nevndin arbeiðir við eini loysn at leggja fyri eigaran, sum er landsstýrið.

Arbeiðið skuldi verið gjørt fyrr í ár, men støðan við koronu broytist alla tíðina, og tí verður arbeiðið ikki gjørt fyrr enn nú.

Niels Mortensen upplýsir, at uppskot til loysn verður lagt fyri landsstýrið um eina til tvær vikur. Hann hevur ikki fleiri viðmerkingar.

Stórt hall 

Ein greining, sum ráðgevarafyritøkan Rajani-Rasmussen gjørdi fyri Kringvarpið í mai mánaði, segði, at Atlantsflog í ringasta føri kann hava 179 milliónir krónur í undirskoti í ár.

Sambært somu greining verður úrslitið fyri 2020 í besta føri 71 milliónir krónur í undirskoti. 

Við ársbyrjan var eginpeningurin í Atlantsflog góðar 250 milliónir krónur.

 
Nýggjastu sendingar í ÚV
Týsdag 27. oktober
Tempo
115377
Týsdag 27. oktober
Morgunlestur týsdagur 27.oktober 2020
115361
Týsdag 27. oktober
Góðan morgun Føroyar
115357
Nýggjastu sendingar í SV
Mánadag 26. oktober
3-2
115334
Sunnudag 25. oktober
Andakt við Símuni Hansen
115260
Sunnudag 25. oktober
Guðstænasta í Fuglafjarðar kirkju
115261
Hósdag 22. oktober
Lí­numenn 1:3
115178
Hósdag 22. oktober
Mentanarbroytingar og Public Service
115122