Flutningsfeløg krevja avgjald fyri koronukanningar

22.09.2020 - 16:02
AktueltPolitikkur
Flutningsfeløg krevja avgjald fyri koronukanningar
Uppskotið er lagt fyri tingið seinnapartin. Lógin kemur í gildi 1. oktober, og hon fer úr gildi aftur 1. januar 2021
Atlantsflog væntar, at avgjaldið fer at hava við sær, at ferðafólkatalið minkar. SAS hevur boðað frá, at felagið gevst at flúgva til Føroya 1. oktober
 

Uppskotið um avgjald á ferðafólk, sum koma til Føroya, er nú komið í tingið.

Avgjaldið, sum er undantikið mvg, er 312 krónur,  og tað skal brúkast til koronukanningar.

Sambært uppskotinum skulu flutningsfyritøkur ella umboð teirra krevja gjaldið inn, og tey fáa eisini heimild at krevja eitt ómaksgjald afturfyri.

Skotið verður upp, at lógin kemur í gildi 1. oktober, og at hon fer úr gildi aftur 1. januar 2021.

Kanningarnar halda fram

Jørgen Niclasen, landsstýrismaður í fíggjarmálum, sigur í viðmerkingunum til uppskotið, at higartil hava koronukanningarnar verið ókeypis, men roknað verður við, at kanningarnar mugu halda fram eina tíð aftrat. 

Síðani 27. juni eru øll ferðandi til Føroya kannað fyri koronu, og metingin er, at umleið 3.000 ferðandi koma til Føroya um vikuna í september. Men talið á ferðandii minkar helst, sum árið líður.

Uppskotið hevur verið til hoyringar hjá flutningsfeløgunum,  og Fíggjarmálaráðið hevur eisini havt fund við umboð fyri flutningsfyritøkurnar. Haraftrat hevur verið samskift við Taks um málið.

Ferðafólkatalið minkar

Atlantic Airways væntar, at uppskotið kann hava við sær, at ferðafólkatalið til Føroya fer at minka. Felagið hevur víst á ávísar broytingar, og Fíggjarmálaráðið hevur broytt uppskotið samsvarandi.

SAS hevur boðað Fíggjarmálaráðnum frá, at felagið gevst at flúgva til Føroya 1. oktober. 

Fíggjarmálaráðið sigur seg harmast um avgerðina, men tekur hana til eftirtektar. 

 

 
Nýggjastu sendingar í ÚV
Mikudag 28. oktober
Breddin
115464
Mikudag 28. oktober
Nón 28. oktober 2020
115459
Mikudag 28. oktober
Góðan morgun Føroyar
115430
Mikudag 28. oktober
Morgunlestur mikudagur 28.oktober 2020
115362
Týsdag 27. oktober
Breddin
115391
Nýggjastu sendingar í SV
Týsdag 27. oktober
Atlantshavið (2:3) - Fjøllini í dýpinum
115407
Mánadag 26. oktober
3-2
115334
Sunnudag 25. oktober
Andakt við Símuni Hansen
115260
Sunnudag 25. oktober
Guðstænasta í Fuglafjarðar kirkju
115261
Hósdag 22. oktober
Lí­numenn 1:3
115178