Myndugleikarnir: Støðan er sera álvarsom

bannari
07.08.2020 - 06:15
AktueltHeilsa
Myndugleikarnir: Støðan er sera álvarsom
Smittan breiðir seg skjótari enn fyrr, og nógv skjótari enn í londunum kring okkum, siga heilsumyndugleikarnir
Koronusmittan, sum er í Føroyum, er eitt serstakt slag, ið smittar illa, sigur Heilsumálaráðið
 

Fólk smitta onnur longu dagin eftir, at tey sjálvi eru smittað, og tað er ikki sæð í Føroyum fyrr. Hetta ger eisini, at avbyrgingin er sera torfør.

Tað sigur Heilsumálaráðið, nú tað er staðfest, at fleiri enn 40 føroyingar hava COVID-19. Tá smittan aftur varð staðfest 4. august, varð hildið, at talan var um tríggjar ymiskar smittuketur. 

Sama smittuketa

Men eftir drúgva smittusporing er sannlíkt, at talan í roynd og veru er um eina og somu smittuketu, sum er staðfest í Havn á ólavsøku og vikuskiftið eftir ólavsøku, sigur Heilsumálaráðið.

Nøkur av teimum smittaðu búgva aðrastaðni enn í høvuðsstaðnum, men tey flestu eru kortini smittað í Havn. 

Tað er eisini staðfest, at smittan hevur breitt seg millum hesi fólk, tá tey hava verið til privat tiltøk á ólavsøku og vikuskiftið eftir ólavsøku.

Serstakt slag, ið smittar illa

Enn er ógreitt, hvussu smittan er komin til landið, men talan er um eitt serstakt slag av COVID-19, sum smittar illa, sigur Heilsumálaráðið.

4. august vóru tríggir tilburðir, fyrradagin vóru 15, og í gjár væntaði landslæknin, at talið á smittaðum verður um 40.

Lars Fodgaard Møller, landslækni, segði í Degi og Viku í gjárkvøldið, at heldur henda gongdin fram, kann verða neyðugt at lata ein part av samfelagnum aftur.

 
Nýggjastu sendingar í ÚV
Hósdag 24. september
Mono: Summar sangir
113895
Hósdag 24. september
Tempo: Heystið
113888
Hósdag 24. september
Fólk heldur enn persónur
113884
Hósdag 24. september
Morgunlestur hósdagur 24. september 2020
113638
Mikudag 23. september
Breddin
113863
Nýggjastu sendingar í SV
Mikudag 23. september
Drúgt sjónvarp
113851
Mikudag 23. september
Myndir fyri sologuitar eftir Kára Bæk
113720
Týsdag 22. september
Fótbóltur: Føroyar - Hvítarussland
113812
Mánadag 21. september
3-2
113751
Mánadag 21. september
Fridtjof 100 ár
113746