Tilvera: Mamma var tunglynt

26-04-2021

Mamma var bipolar.

Danski sjúkrahúspresturin Christian Højlund hevði eina mammu, sum var sera manio-depressiv í 57 ár. Hon gjørdist sjúk, tá hon átti fyrsta barnið. Hon fekk fimm børn. Christian sigur frá, hvussu torført tað var at liva eitt vanligt barnalív, tá mamman meginpartin av uppvøkstrinum var á sjúkrahúsi. Men pápi hansara tók um endan. Hann var bróður Asger Højlund, sum var prestur í Kvívík. Tá mamman doyði, funnu tey 27 tættskrivað hefti. Hetta vóru dagbøkur, sum mamman hevði skrivað øll hesi 57 árini.

Tilvera

Savnssending Hvørt menniskja sær er einstakt og hvør einasta tilvera er einstøk. Í sendingini Tilveru siga ymiskir gestir frá síni søgu. Hvussu hava vit tað, hvat hugsa vit um og hvat havast vit at? Tey viðurskifti, sum øll menniskju hava til felags, og sum gera lívið so fjøltáttað.