Gott nýggjár í Plátubarrini: Herborg Torkilsdóttir, sangari, 2. partur

01-01-2024

Góða lagið heldur fram, tá Herborg seinni um kvøldið aftur sessast við borðið í PB at undirhalda lurtarunum, sum bæði fáa skemtiligar søgur og hugvekjandi prát í nýggjársgávu.

Verður tosað um bæði umførini, er nógv av prátinum sjálvandi um mannfólk og parløg, tí soleiðis eru hennara tekstir, men eisini verður nomið við evnini børn, heimloysi, og døming í samband við aldur og útsjónd.

Tvær reisir á kvøldinum greiðir Herborg Torkilsdóttir frá og í hvørjum umfari verða eisini sjey av hennara løgum spæld. Í hesum seinna parti, sum kann hoyrast her, tosa hon og verturin millum annað um góðtøku

av menniskjum, sum tey eru; um heimloysi; um at verja børnini; um at kvinnur mugu sleppa at grenja; um styrkina í parlagi; um javnrætt millum kynini; og um at vinna ein breiðari lurtaraskara.

Eins og í fyrra parti greiðir Herborg Torkilsdóttir haraftrat frá stuttligum viðurskiftum í samband við møttóku og spæling av løgum alment.

Gott nýggjár Í Plátubarrini 31.12.2023

Plátubarrin

Plátubarrin er ein undirhaldssending við tónleiki í vetrarskrá Kringvarpsins. Sendingin er eisini interaktivt útvarp, og senditíðin er leygarkvøld frá klokkan 20:00 til klokkan 2:00. Hvør sending byrjar við eini hugleiðing, ið byggir á eygleiðing av menniskjans atferð. Síðani verður Vertsins løta send til klokkan 20:45, tá tátturin Temaplátan fer frá, eins og annað tema er á skránni stutt fyri miðnátt. Nærum tveir triðingar av Plátubarrini eru við lurtaraynskjum, ið sendast kunnu til nummar 224000, ella sum telduboð til facebooksíðuna, Plátubarrin. Verturin, Jákup Magnussen, byrjaði at gera tónleikasendingar fyri Útvarp Føroya í 1982, og varð útbúgvin journalistur í 1993. Plátubarrin varð ljóðsett tann 16. februar í 2013.

Gott nýggjár í Plátubarrini: Herborg Torkilsdóttir, sangari, 2. partur

Góða lagið heldur fram, tá Herborg seinni um kvøldið aftur sessast við borðið í PB at undirhalda lurtarunum, sum bæði fáa skemtiligar søgur og hugvekjandi prát í nýggjársgávu.

01-01-2024

Gott nýggjár í Plátubarrini: Herborg Torkilsdóttir, sangari, 1. partur

Herborg er í góðum hýri, her hon vitjar PB nýggjársaftan. Við støði í hennara tekstum spinna hon og verturin fram eina stuttliga og hugvekjandi løtu síðsta kvøldið á árinum.

01-01-2024

TEMAPLÁTAN: 'Supernatural', Santana, 1999

Albumið kann kallast eitt slag av verkætlan við nógvum gestatónleikarum. Plátufeløgini høvdu ivast í Santana, men við hesum prógvaði Carlos, at hann framvegis var nýhugsandi.

02-12-2023

TEMAPLÁTAN: Vital Signs, Survivor, 1984

Hetta er tann næstbest umtókta av 'stóru' útgávunum hjá Survivor, og tann fyrsta við Jimi Jameson á forsangi. Eitt lag er 'Popular Girl'.

18-11-2023

TEMAPLÁTAN 40: She's So Unusual, Cyndi Lauper, 1983

Fyrsta albumútgávan hjá amerikansku Cyndi Lauper, sum framvegis er hennara mest keypta. Hetta er samtíðarpoppur við løgum sum 'Girls Just Wanna Have Fun' og 'Time After Time'.

11-11-2023

TEMAPLÁTAN 40: Rebel Yell, Billy Idol, 1983

'Eyes Without a Face' og' Rebel Yell' eru rokk-klassikararnir frá hesum album, tó onnur løg eisini svinga væl. Talan er um aðru solistútgávu Idols.

06-11-2023

TEMAPLÁTAN 40: Bent Out of Shape, Rainbow, 1983

Frá løgum sum 'Can't Let You Go' og 'Street of Dreams' hevur Bent Out of Shape sera stóra undirtøku í Føroyum. Útgávan er ein av væl lagaðu varðunum í áttatiárarokkinum.

28-10-2023

Bloody Dice og Dagfinn givið rokkalbum út

Talan er um fyrstu heildarútgávuna hjá danska rokkbólkinum, Bloody Dice, har føroyingurin, Dagfinn Joensen, er sangari. Albumið kallast eisini Bloody Dice.

28-10-2023

Modern Talking hittini runga í Klaksvík í summar

Modern Talking sangarin, Thomas Anders, vitjar Summarfestivalin '23. Har fer hann at syngja løg sum 'You're My Heart, You're My Soul', 'Brother Loui', og 'Cheri Cheri Lady'.

07-05-2023

TEMA40: 'Too Low For Zero', Elton John, 1983

Útgávan var eitt slag av nýggjum framhaldi hjá Elton John hvørs fýra album undan hesum ikki høvdu havt tær stóru landaplágurnar. Øðrvísi var við 'Too Low For Zero' í so máta.

06-05-2023

TEMAPLÁTAN: 'Night Birds', Shakatak, 1982 + eykaløg og viðmerking

Hetta er tann best umtókta útgávan hjá enska bólkinum, Shakatak, ið spælir eitt slag av funk-jazz-poppi. Heitislagið á plátuni er eisini bólksins stóri poppklassikari.

29-04-2023

TEMAPLÁTAN: 'Highway To Hell', AC/DC, 1979

Talan er um tað stóra heimsgjøgnumbrotið hjá AC/DC úr Australia. Heitislagið var tað stóra hittið, meðan 'Night Prowler' elvdi til øsing í samband við deyðsfall í Amerika.

22-04-2023