Plátubarrin

TEMAPLÁTAN: 'Highway To Hell', AC/DC, 1979
22-04-2023
Talan er um tað stóra heimsgjøgnumbrotið hjá AC/DC úr Australia. Heitislagið var tað stóra hittið, meðan 'Night Prowler' elvdi til øsing í samband við deyðsfall í Amerika.

'Higway to Hell' var tann sjeynda albumútgávan hjá hesum bólki í heimlandinum, meðani hon var tann fimta á heimsmarknaðinum. Mest kend er hon fyri góða harðrokkin, og at vera tann seinasta við Bon Scott á forsangi. Øll tíggju løgini á plátuni verða spæld í táttinum.


AllMusic tónleikasíðan metir 'Highway To Hell' at vera tað besta savnið við løgum, sum AC/DC hevur givið út higartil. Har er ongin ivi, heldur AllMusic. Onnur siða, 'Louder Sound', heldur tað sama og gevur útgávuni fýra og eina hálva av fimm stjørnum. Báðir ummælararnir eru eisini samdir um, at heiðurin fyri góða og harða rokkúttrykkið á plátuni partvíst eigur at latast framleiðaranum, Robert 'Mutt' Lange.


Her í 2023 siga tølini, at AC/DC hevur selt fleiri enn 200 milliónir album tilsamans, harav 75 milliónir hava amerikanarar keypt. Okkara Temapláta hevur sambært 'metalcastle.net' sølutalið 23,2 milliónir eintøk, meðan fleiri enn seksti milliónir fólk hava keypt 'Back In Black'. 'Razors Edge' frá 1990 er nummar trý á yvirlitinum yvir mest keyptu AC/DC albumútgávurnar.


Plátubarrin 22.3.23

 

Plátubarrin

Plátubarrin er ein undirhaldssending við tónleiki í vetrarskrá Kringvarpsins. Sendingin er eisini interaktivt útvarp, og senditíðin er leygarkvøld frá klokkan 20:00 til klokkan 2:00. Hvør sending byrjar við eini hugleiðing, ið byggir á eygleiðing av menniskjans atferð. Síðani verður Vertsins løta send til klokkan 20:45, tá tátturin Temaplátan fer frá, eins og annað tema er á skránni stutt fyri miðnátt. Nærum tveir triðingar av Plátubarrini eru við lurtaraynskjum, ið sendast kunnu til nummar 224000, ella sum telduboð til facebooksíðuna, Plátubarrin. Verturin, Jákup Magnussen, byrjaði at gera tónleikasendingar fyri Útvarp Føroya í 1982, og varð útbúgvin journalistur í 1993. Plátubarrin varð ljóðsett tann 16. februar í 2013.
TEMAPLÁTAN: Crowded House, Crowded House, 1986
Tað fyrsta og samstundis mest keypta albumið hjá hesum bólki. Eitt lag, 'Don't Dream It's Over; kann bólkast sum eitt av yvirhøvur stóru poppløgunum í 80'unum
27-04-2024
TEMAPLÁTAN 40: 'Love At First Sting', Scorpions, 1984
Talan er um stóra heimsgjøgnumbrotið hjá týska rokkbólkinum, Scorpions. 'Still Loving You', 'Rock You Like A Hurricane', og 'Big City Nights' eru hittini á plátuni.
20-04-2024
TEMAPLÁTAN 30: 'The Division Bell', Pink Floyd, 1994
'High Hopes' og 'Take It Back' er tvey kend løg frá hesi art-rock útgávu, hvørs reyði tráður er samskifti og trúgvin á, at gott prát kann loysa nógvar millum-manna-fløkjur.
18-04-2024
Táttur í Plátubarrini 7.4.24: Shakin' Stevens hittparada
Spæld verða ellivu av best umtóktu løgunum hjá rock and roll- og poppsangaranum, Shakin' Stevens, sum framvegis er virkin. Hann hevur havt 33 singleplátur á UK Top 40.
11-04-2024
TEMAPLÁTAN: Boston, Boston, 1976
Tað tók fleiri ár at gera tilfarið til Temaplátuna, men úrslitið var eisini væleydnað. Útgávan tók sølumetið fyri eina frumútgávu og framvegis spæla vit More Than a Feelin'.
23-03-2024
TEMAPLÁTAN: 'Tíð', Deiggj, 2023 + prát
Onnur útgávan hjá Deiggj. Nógv spæld løg í útvarpi hava verið 'Hví grætur tú', 'Í viðarlundini', og 'Kom lat okkum dansa'. Stílurin er nakað mjúkari enn á fyrru útgávuni.
16-03-2024
Temaplátan: 'NALJA', Elin & Kári, 1988 + prát við Elina um verkið
'Á, tann deiliga Havn', 'Sjeikurin', 'Hygg at mær', 'Eitt dýpi av dýrari tíð'; landaplágurnar eru nógvar á Nalja útgávuni. Í summar '24 fara tey bæði aftur á pallin at syngja.
09-03-2024
TEMA40: 'The Works', Queen, 1984 + eykalag
Hetta 11. albumið er ein tann best umtókta útgávan hjá Queen við løgum sum Radio Ga Ga, I Want To Be Free, It's a Hard Life, Hammer To Fall, og Is This The World We Created.
02-03-2024
TEMAPLÁTAN: London Town, Wings, 1978 + eykaløg
Her árið fyri seinastu innspælingarnar hjá Wings, gav bólkurin okkum vælumtóktar perlur sum 'With a Little Luck', 'Deliver Your Children', 'Name and Adress', og 'London Town'.
24-02-2024
TEMAPLÁTAN 40: '1984', Van Halen '84, við viðmerkingum og eykatilfari
'1984' er kendasta útgávan hjá Van Halen. Hon hevur eisini bólksins størsta hitt, 'Jump', umframt kend løg sum 'Panama' og 'Hot For Teacher'. Talan er um hard- og heavyrokk.
03-02-2024
Gott nýggjár í Plátubarrini: Herborg Torkilsdóttir, sangari, 2. partur
Góða lagið heldur fram, tá Herborg seinni um kvøldið aftur sessast við borðið í PB at undirhalda lurtarunum, sum bæði fáa skemtiligar søgur og hugvekjandi prát í nýggjársgávu.
01-01-2024
Gott nýggjár í Plátubarrini: Herborg Torkilsdóttir, sangari, 1. partur
Herborg er í góðum hýri, her hon vitjar PB nýggjársaftan. Við støði í hennara tekstum spinna hon og verturin fram eina stuttliga og hugvekjandi løtu síðsta kvøldið á árinum.
01-01-2024