Í oktober í 2019 ringdi Torleif Johannesen til Ásbjørn Berthelsen.

 - Kanst tú skriva eitt lag til eina yrking hjá mær?

Tað gekk skjótt, og brátt var ein nýggjur sálmur festur á blað. Burturúr hesi fyrstu royndini kom hugskotið um, at skriva ein sálm ella sang um mánaðin í eitt ár.

Arbeiðið gekk væl, koronufarsóttin steðgaði samfelagnum, men setti ferð á skrivingina, og longu í juni 2020 vóru teir 12 sálmarnir og sangirnir lidnir.

Trý ár seinni framførdi kórið, VOX, nýggja tilfarið á stórmøtunum hjá Heimamissiónini. 

Í hesum poddvarpinum greiða Torleif Johannesen og Ásbjørn Berthelsen frá hugskotinum, arbeiðslagnum og hvat teir ætla og vóna við teimum 12 nýggju sálmunum og sangunum.

Harafturat greiða Jákup Reinert Hansen, lektari í kirkjusøgu, og Símun Hammer, organistur, nærri frá sálmasiðvenjuni og lýsa, hvat ein tekstur og eitt lag skal innihalda teologiskt, melodiskt og harmoniskt fyri at liva upp til heitið sum sálmur.

Sjálvir sálmarnir og sangirnir kunnu hoyrast við at trýsta á leinkini niðanfyri:

12 nýggir sálmar og sangir (1. partur)

12 nýggir sálmar og sangir (2. partur)