Endursending frá 2011. Tá vóru 50 ár liðin, síðani Robert McBirnie á fyrsta sinni steig á pall sum sangari. Fleiri kenna hann sum oddamann í Faroe Boys, men fjølbroytti entertainarin úr Vági hevur sungið og undirhildið saman við nógvum øðrum hesi árini. Í vetur kom út fløguverk við úrdráttum úr tónleikaútgávum hansara hesi 50 árini. Kringvarpið fer at senda jubileumskonsertina, sum Robert hevði saman við vinfólki í Sjónleikarhúsinum herfyri. Í samrøðu fyri konsertina greiðir Robert frá árunum á palli í teimum góðu, gomlu døgunum.