- Tíðindi, mentan og ítróttur
Lidnir at umvæla kaiøkið í ár
Lidnir at umvæla kaiøkið í ár
Arbeiðið í Syðrugøtu verður tikið uppaftur næsta ár
Mynd: Eysturkommuna
19.10.2023 - 14:38
Arbeiðið at umvæla kaiøkið í Syðrugøtu er liðugt fyri í ár, sigur Eysturkommuna.
Í mai var farið undir arbeiðið at umvæla kaiøkið.
Farið var at umvæla uttasta partin av sjálvum kaiendanum, sum var nógv farin av brimi. Tað arbeiðið er liðugt.
Síðani var farið undir at brekka ein part av gamla bátadráttinum og leggja nýtt betonglag á. Og eitt nýtt betonglag er eisini lagt á tann innasta partin av gomlu kaiini.
Ætlanin er at leggja betonglag á restina av kaiini næsta ár.
Eisini skulu nýggj ljós setast upp og nýggj vatnføring leggast. Alt hetta arbeiðið skal alt eftir ætlan verða liðugt í 2024.
Nýggjastu sendingar í ÚV
Nýggjastu sendingar í SV