Fiskar eftir breiðari semju

25.02.2021 - 20:04
AktueltVinna
Fiskar eftir breiðari semju
Landsstýrismaðurin bíðar nakrar dagar við at bera lógaruppskotið um veiðigjøld í løgtingið, hóast freistin er í morgin.

Tak niður

Landsstýrismaðurin hevur boðið andstøðuni aftur á fund í næstu viku.

Ymisk prosentgjøld

Prosentgjøldini verða ymisk - hægst fyri makrel, og so nakað lægri fyri norðhavssild og svartkjaft.

Tey skulu finnast á tann hátt, at fyrst verður miðal avrokningarprísurin roknaður út fyri eitt tíðarskeið frá 1.juli til 30.juni. Her eru prísirnir, sum verksmiðjuskipini fáa, tiknir úr roknistykkinum. Tey fáa vanliga hægri prís, tí fiskurin verður virkaður umborð.

Miðalprísurin verður so settur inn í eina tabell, har ein lágur miðalprísur gevur lágt prosentgjald, meðan høgur miðalprísur gevur hægri prosentgjald. 

Við hesum roknistykkinum verður veiðigjaldið fyri 1.august til 31.juli árið eftir ásett.

Er miðalprísurin á makreli til dømis seks krónur fyri kilo, og prosentgjaldið 25, so merkir tað, at árið eftir skal vinnan gjalda 1,50 kr í veiðigjaldi.

Fyri botnfiskin í Barentshavinum verður sama prinsipp galdandi - men her verður veiðigjaldið roknað við støði í miðalprísinum á toski, sum er seldur á Fiskamarknaðinum, kalendaraárið frammanundan. 

Landsstýrið hevur lagt gjøldini soleiðis, at tey við verandi prísum og nøgdum geva umleið 300 milliónir krónur í landskassan. Tað er ein politisk semja, ásett í samgonguskjalinum.

Hetta útgangsstøði er alt ov lágt sett, heldur Hans Ellefsen, búskaparfrøðingur.

 
Er kopiera
Nýggjastu sendingar í ÚV
Hósdag 22. apríl
RagnarRokk 22.apríl "Jorn Lande"
122921
Hósdag 22. apríl
BREDDIN
123177
Hósdag 22. apríl
Nón 22. apríl 2021
123174
Hósdag 22. apríl
Mono: Sangleikir (1:5)
123165
Hósdag 22. apríl
Jazzofonin 21. apríl
123160
Nýggjastu sendingar í SV
Mánadag 19. apríl
3-2
123045
Sunnudag 18. apríl
Andakt við Beintu Áargarð
122973