- Tíðindi, mentan og ítróttur
Kann vera forsætisráðharri, hóast hon stillar upp til forsetavalið
Kann vera forsætisráðharri, hóast hon stillar upp til forsetavalið
Katrín Jakobsdóttir fer sum skilst at boða frá í dag, at hon stillar upp til forsetavalið í Íslandi
Mynd: Ritzau Scanpix
05.04.2024 - 10:31
Eingin lóg krevur, at Katrín Jakobsdóttir leggur frá sær sum forsætisráðharri, hóast hon stillar upp til forsetavalið, skrivar Morgunblaðið.
Katrín Jakobsdóttir fer sum skilst at boða frá í dag, at hon stillar upp.
Gitt verður eisini, at hon leggur frá sær sum forsætisráðharri.
Og so er stóri spurningurin, hvør tekur við, ella, hvussu verður við samgonguni millum tey vinstru-grønu, har sum Katrín Jakobsdóttir er forkvinna, Sjálfstæðisflokkin og Framsóknarflokkin.
Men eingin lóg forðar Katrínu í at halda fram sum forsætisráðharri.
Hesin spurningur var eisini frammi í 1996, tá tosað var um møguleikan fyri, at Davíð Oddsson, sum tá var forsætisráðharri, fór at stilla upp til forsetavalið.
Nýggjastu sendingar í ÚV
Nýggjastu sendingar í SV