ES sendir neyðhjálp til Haiti

ES fer at senda Haiti 20 milliónir evrur í neyðhjálp, nú ófriður valdar í landinum eftir samanbrestir millum brotsmannalið seinastu tíðina.

- Orsøkin er, at brotsmannalið fremja umfatandi kriminalitet, og tí er tørvur á humaniterari hjálp um alt landið, sigur Balazs Ujvari, talsfólk í ES-nevndini í dag.

- Hjálparfelagsskapir skulu brúka stuðulin, har tørvurin fyri humaniterari hjálp er størstur, sigur hann.

Ariel Henry, Haiti

Ariel Henry, forsætisráðharri í Haiti, legði frá sær í gjárkvøldið.(AFP/Ritzau Scanpix)

20 millinónir evrur svara til slakar 150 milliónir krónur.

Í eini roynd at minka ófriðin í landinum, legði Ariel Henry, forsætisráðharri, frá sær í gjárkvøldið.

Brotsmannaliðini hava valdið í meginpartinum av høvuðsstaðnum Port-au-Prince, og hava fleiri ferðir lopið á løgreglustøðir, fongsul og annað týdningarmikið undirstøðukervi, skrivar NTB.