Stórt rúsevnamál: Fongslaður í fýra vikur

12.01.2021 - 16:04
Aktuelt112
Stórt rúsevnamál: Fongslaður í fýra vikur
Maðurin, varð handtikin á bústaði sínum í Havn í gjár, var í grundlógaravhoyring seinnapartin
Dómarin avgjørdi, at grundlógaravhoyringin skuldi vera fyri afturlatnum hurðum
 

Ein 23 ára gamal maður er í Føroya rætti seinnapartin varðhaldsfongslaður í fýra vikur í einum máli um rúsevni, meðan málið verður kannað. Talan er um meira enn tvey kilo av rúsevnum.

Maðurin varð handtikin á bústaði sínum í Havn í gjár, har løgreglan fann stórar nøgdir av rúsevnum. 

Tá maðurin varð handtikin, hevði hann eitt kilo av amfetamini, 700 gr. av MDMA,  180 gr. av kokaini og 400 gr. av hassji í varðveitslu.

Tá hann varð handtikin, sló maðurin við knýttum neva ein løgreglumann í høvdið fleiri ferðir, so hann fekk skaða. 

Løgreglan fann eisini eina avsagaða byrsu og 12 patrónir hjá skuldsetta manninum.

Noktar seg sekan

Maðurin noktar seg sekan í at hava rúsevnini í varðveitslu og fyri at hava framt harðskap. Hann játtar at hava byrsuna í varðveitslu, men skuldsetti eigur ikki byrsuna, segði verjin.

Ákæruvaldið kravdi mannin varðhaldsfongslaðan, so hann ikki skal ávirka kanningararbeiðið í málinum, og tí at aðrir gerningsmenn, sum eru uppi í málinum, ganga leysir, segði ákærin.

Ákæruvaldið kravdi eisini, at grundlógaravhoyringin var fyri afturlatnum hurðum.

Verjin hjá manninum mótmælti, at dyrnar vórðu latnar aftur.

Úrskurðurin hjá dómaranum var, at grundlógaravhoyringin skuldi vera fyri afturlatnum hurðum, tí talan er um so stóra nøgd av rúsevnum, og at aðrir persónar, sum eru partur av málinum, ganga leysir.

 

 
Nýggjastu sendingar í ÚV
Sunnudag 24. januar
Meg minnist: Pætur Rasmussen (3:4)
118903
Leygardag 23. januar
TEMAPLÁTAN: Van Halen, Van Halen, 1978
119342
Leygardag 23. januar
Ein váðafull bumbuferð
118473
Leygardag 23. januar
Jambalaja 230121
119338
Nýggjastu sendingar í SV
Sunnudag 24. januar
Guðstænasta
119351
Fríggjadag 22. januar
Lyst 34
119191
Hósdag 21. januar
Millum heimsins bestu bodybuildarar
119256
Mikudag 20. januar
Jørðin II 1 - Oyggjar
119181