Samráðingarnar millum Føroya Pedagogfelag og Fíggjarmálaráðið standa í botni, og tí var neyðugt at senda boð eftir Semingsstovninum í farnu viku.

Hetta hendir samstundis sum dagstovnaøkið í Tórshavnar kommunu er merkt av ruðuleika, aftaná kreppufundir, uppsagnir og samhugasjúkrameldingar seinastu vikurnar.

Vit viðgera spentu støðuna á dagstovnaøkinum við Árna Gregersen, politiskum eygleiðara, og Maud Wang Hansen, fyrrverandi forkvinnu í Føroya Pedagogfelag.

Ferðaleiðarar

Ferðaleiðarar skulu leggja meirvirðisgjald á sítt virksemið.

Tað boðar TAKS frá í dag, aftaná at hava tikið støðu til ymiskar tulkingar á økinum.

Kunningin hjá TAKS kemur óvart á politikarar, men hvat siga tey ið virka innan ferðavinnuna?

Útlendingar í norsku fiskivinnuni

Norski fiskimálaráðharrin Odd Emil Ingebrigtsen krevur at eftirlitið, sum skal avmarka atgongdina hjá útlendingum til norsku fiskivinnuna, verður hert.

Tað ger hann, aftaná at Samherji hevur keypt seg inn í eitt norskt reiðarí.

Vit tosa við Jógvan Hugo Gardar, journalist, um málið.

Luttakarar: Guðrið Højgaard, Hilda Thomsen, Bjarni Kárason Petersen, Magnus Rasmussen, Jógvan Hugo Gardar, Árni Gregersen, Maud Wang Hansen og Jógvan Philbrow.
Gjørt sendingina hava Jógvan Skeel Nolsøe og Tróndur Olsen. 
Redaktørur var Hallur av Rana.