- Tíðindi, mentan og ítróttur
Høgni Hoydal: "Ikki eitt tekin um ósemju í Tjóðveldi"
Høgni Hoydal: "Ikki eitt tekin um ósemju í Tjóðveldi"
Formaðurin í Tjóðveldi avsannar, at tað er ósemja í Tjóðveldi um revsitiltøkini móti Russlandi, tí aðalstjórnarforkvinnan í flokkinum longu nú vil ógilda revsitiltøkini
Høgni Hoydal heldur, at tað er eitt sunt tekin, at Tjóðveldi hevur eina støðuga viðgerð og eftirmeting av revistiltøkunum móti Russlandi
Mynd: Bjarni Árting Rubeksen
09.08.2023 - 13:00
"Tað er ikki tekin um ósemju í Tjóðveldi, at stjórnarforkvinnan, Sigrid Jensdóttir Dalsgaard, setir spurnartekn við tiltøkini, sum eru sett í verk móti Russlandi," sigur Høgni Hoydal, formaður í Tjóðveldi og landsstýrismaður í uttanríkis- og vinnumálum.
"Heldur er talan um eina støðuga viðgerð og eftirmeting í flokkinum, hvørt tiltøkini virka eftir ætlan ella ikki," leggur hann afturat.
Tað var í gjár, at Sigrid Jensdóttir Dalsgaard, stjórnarforkvinna í Tjóðveldi, setti spurnartekin við, um revsitiltøkini móti Russlandi raka rætt.
"Vit eiga longu nú at eftirmeta, um revsitiltøkini móti Russlndi hava ta ávirkan, sum var ætlað," skrivaði Sigrid Jensdóttir Dalsgaard, aðalstjórnarforkvinna í Tjóðveldi, í lesarabrævi við yvirskriftini "Nær skulu vit ógilda revsitiltøk móti Russlandi?".
Við útvarpið í gjárkvøldið segði Sigrid Jensdóttir Dalsgaard soleiðis um málið.
Sigrid_Dalsgaard_090823
Høgni Hoydal, formaður í Tjóðveldi, heldur, at tað er eitt sunt tekin, at flokkurin hevur eina støðuga viðgerð og eftirmeting av revistiltøkunum.
Hogni_Hoydal_090823
Er kopiera
Nýggjastu sendingar í ÚV
Nýggjastu sendingar í SV
