Vit senda í heilum børn av landinum til viðgerðar fyri bæði sálarligar og sosialar avbjóðingar. Hesi børn eru langt burturi frá familju og vinum í longri tíð, og eru í einum fremmandum landi og umhvørvi, har tey ikki kunnu brúka móðurmálið.

Ofta snýr tað seg um, at vit í Føroyum ikki hava tað tilboðið, sum børnini hava tørv á. 

Í løtuni eru átta børn og ung á viðgerðastovni í Danmark, tí tey hava sosialar og sálarligar avbjóðingar.

Talan er um fyribils bútilboð á sokallaðum bú- og viðgerðarstovnum í Danmark.

Tað kostar í løtuni Almnannaverkinum 26 milliónir krónur. 

Er tað í lagi, at vit senda so nógv børn av landinum til viðgerðar?

Djóni Nolsøe Joensen, landsstýrismaður í barna- og útbúgvingarmálum, og Sirið Stenberg, landsstýriskvinna í almanna- og mentamálum, skifta orð um avbjóðingina.