Mønustingari til springara

Fyri at gera tað skjótari at avlíva springara, er ein nýggjur mønustingari komin, sum virkar upp á sama máta sum mønustingarin til grindahval.

Síðani nýggi mønustingarin til springara kom, er hann ikki blivin royndur nakað serligt, tí so lítið av springara er hildið til

Mynd: Bjarni Árting Rubeksen

Hilmar Jan Hansen

27.04.2024 - 16:09

Síðstu átta árini hevur tað verið eitt krav, at mønustingari skal verða brúktur í grindadrápi, tá ið grind verður hildin til.

Fyri fýra árum síðani varð eisini farið undir at menna ein mønustingara at avlíva springara við, men nú hann er komin, hevur hann ikki ordiliga fingið seg royndan.

- Orsøkin til tað er, at síðstu tíðina hava tað ikki verið so nógvir springarar hildnir til, sigur formaðurin í Grindamannafelagnum, Esmar Joensen.

- Summastaðni er tað ikki siðvenja at halda springara til. Men tiltikna springaradráp í Skálafirði í 2021 og tað, at kvota síðani er sett á, hvussu nógvir springarar skulu drepast, ið gera sítt.

Tíðliga í næsta mánaði fer Fiskimálaráðið at hava nýggj mønustingaraskeið, sum verða í Eysturskúlanum í Havn og Miðnámsskúlanum í Hovi.

Hoyr samrøðu við Esmar Joensen, formann í Grindamannafelagnum:

2024-04-27-Esmar-Joensen