- Tíðindi, mentan og ítróttur
Fótbóltskvinnurnar fara undir nýggja EM-undankapping
Fótbóltskvinnurnar fara undir nýggja EM-undankapping
Bestu føroysku fótbóltskvinnurnar fara nú undir nýggja EM-undankapping. Kringvarpið stroymir fyrsta dystin, sum er á útivølli móti Grikkalandi
Mynd: Jakoba Svensdóttir / FSF
05.04.2024 - 12:42
Tað er nummar 60 á styrkislistanum hjá FIFA, ið tekur ímóti nummar 110, tá Grikkaland og Føroyar spæla fyrsta dystin í nýggjari EM-undankapping á Theodoros Vardinogiannis leikvøllinum á Kreta fríggjakvøldið.
Hini bæði liðini í bólkinum hjá Føroyum eru Montenegro og Andorra eisini í bólkinum.
Føroyski hópurin kom til Kreta seinnapartin týsdagin, og síðani hava tvær venjingar verið á skránni, sum hava verið í góðum umstøðum, og í góðum veðri, samanborið við kuldan og kavan í Føroyum, skrivar fsf.fo.
EM-undankappingardysturin millum Grikkaland og Føroyar verður stroymdur beinleiðis á kvf.fo.
Seinni dysturin í hesum umfarinum verður týsdagin 9. apríl, tá Føroyar møta Montenegro á Gradski Stadion í Podgorica.
Nýggjastu sendingar í ÚV
Nýggjastu sendingar í SV