Føroyskar ljóðbøkur lænast ókeypis á netinum

Føroyskar ljóðbøkur kunnu nú eisini lænast - ókeypis - á netinum.

Tað verður gjørt á heimasíðuni E-reolen.dk og á appini við sama navni.

Fyri at finna føroyskur bøkurnar, so skal tú fara inn á heimasíðuna hjá E-reolen.dk:

1. Leita við * í leititeiginum
2. Vel “Filtrer”
3. Vel “Færøsk” undir mál
4. Nú ber til at síggja føroysku ljóðbøkurnar

Elin Brimheim Heinesen

Elin Brimheim Heinesen starvast á Ljóðbókatænastuni hjá Landsbókasavninum. (Savnsmynd)

Nýggja bókasavnslógin, sum kom í gildi í januar, ger tað møguligt at leggja innlisnu bøkurnar á netið.

Tú kanst læna fýra ljóðbøkur um mánaðin á E-reolen, og forløgini skulu gera ljóðbøkurnar tøkar á netinum.