Við Tórði á túri

Við Tórði á túri á oynni Egholm
25-09-2023
Eitt vikuskifti í summar samlaðust skyldfólk úr Egholmsættini í Føroyum á oynni Egholm í Limfjørðinum við Aalborg, haðani navnið á hesum eftirnavninum kemur.

Verpápi Armgarð Mariu Weihe, prestadóttir á Reynagarði í Havn, varð føddur á Damgarðinum á Egholm. Sonur hansara, Niels Sørensen Egholm, var hattamakari í Keypmannahavn og tað rann saman millum hann og Armgarð. Seinni flutti Armgarð aftur til Føroya við børnunum og soleiðis kom Egholm-navnið til Føroya. Armgarð verður oftast rópt Madam Egholm, og hon verður nevnd við virðing.

- Í dag eru eini 10 prosent av Føroya fólki so ella so ættað av hesari oynni í Limfjørðinum, sigur Øssur Sverrason Egholm, sum skipaði fyri ættarstevnuni.

Í sendingini í dag hitta vit fleiri av teimum, sum vóru við á ættarstevnuni. Tey siga, at tey hava heilt serligar kenslur fyri hesari lítlu oynni í Limfjørðinum, sum er seks ferkilometrar til víddar.

Á ættarstevnuni fáa tey m.a. kunning um ætlanirnar hjá politikarunum at gera ein motorveg mitt gjøgnum oynna. Men nógv verður gjørt fyri at upplýsa myndugleikarnar um, at hetta er burtur úr vón og viti, tí uppskot er eisini um aðra nøktandi loysn, sigur Espen Buch, náttúruvegleiðari, sum vísir ættarfólkunum runt í oynni.

Við í sendingini eru: Øssur Sverrason Egholm, Elin Egholm Rossander, Hildigunn Egholm, Espen Buch, Katrin Egholm Carlsen, Eirikur Suni Danielsen, Armgarð Arge, Malan Egholm og Hallur Andreassen.

Við Tórði á túri

Í sendingini "Við Tórði á túri", sum verður send í Útvarpinum mánadag klokkan 17:05, vitjar Tórður Mikkelsen við mikrofonini bygdir og býir kring landið og varpar ljós á gerandisdagin hjá fólki. Forvitnið er drívmegin og evni, ið ikki skapa yvirskriftir í miðlunum, hava mangan stóran týdning fyri fólkið á staðnum. Tað eru nógvar smærri bygdir kring landið, sum sjáldan fáa pláss í miðlunum, men sum avgjørt hava sína søgu. Og hvørt menniskja hevur eina søgu at fortelja. Tað hoyra vit í reportasjunum í Útvarpinum mánadag klokkan 17:05. Fyri at skapa eina variatión í sendingunum, vitjar Tórður Mikkelsen viðhvørt býlingar og ávísar gøtur. Hann hevur eisini lýst serlig tiltøk, m.o. Bindifestivalin og Sjómannadagin, og onkuntíð er hann á túri í øðrum londum.
Við Tórði á túri í Húsavík - fyrri partur
Húsavík er millum elstu bygdir í landinum. Her eru nógvar søgur og sagnir og her eru fleiri gomul hús varðveitt enn nógva aðra staðni í landinum
29-04-2024
Við Tórði á túri á Sevmýri á Tvøroyri
Í dag er túrurin í býlinginum á Sevmýri, har nógvar søguligar uppgerðir hava verið í fótbólti, men her henda stórar broytingar júst nú. Og vit hitta fleiri fólk, ið búgva her
15-04-2024
Við Tórði á túri við Petur Jacobi Sigvardsen
Høvuðspersónurin á túrinum í dag er 91 ára gamli gjáarmaðurin Petur Jacob Sigvardsen, sum hevur givið fleiri og 20 bøkur út eftir at hann bleiv pensiónistur
25-03-2024
Við Tórði á túri við demenskórinum Sangfuglum
Tey hava sungið nærum kring alt landið, og tað er hugtakandi at hoyra og síggja kórið Sangfuglar við minnisveikum fólkum framføra kórsang. Kórið hevur verið til í seks ár
18-03-2024
Við Tórði á túri á kvinnudegnum
Í ár varð serliga nógv gjørt burtur úr í sambandi við kvinnudagin 8. mars. Tiltøk vóru alla vikuna og vit hoyra um nøkur á hesum túrinum.
11-03-2024
Við Tórði á túri á Breiðabliki í Havn
Fyrstu sethúsini í býlinginum á Breiðabliki í Havn vórðu reist fyri góðum 20 árum síðani. Og í dag vita tey, sum har búgva, at siga frá nógvum søgum
04-03-2024
Við Tórði á torratúri í Klaksvík
Fyri 18. ferð hava torradagar verið í Klaksvík. Eitt tiltak, sum samlar nógv fólk í sambandi við fiskivinnu og mentan. Á hesum túri vitja vit fleiri av tiltøkunum
26-02-2024
Við Tórði á túri á Gamla Hospital
Gamla Hospital í Havn, sum varð tikið í brúk í 1829, kemur nú til heiður og æru aftur. Í 43 ár hava Vanja Petersen og onnur arbeitt við at fáa tað til eitt savn ov fortíðina
19-02-2024
Við Tórði á túri á Mini Teen Street á Kambsdali
Næstseinasta vikuskifti var ein hópur av tannáringum á Mini Teen Street á Kambsdali. Í sendingini hitta vit fleiri, sum eisini plaga at vera á altjóða leguni í Týsklandi
12-02-2024
Við Tórði á túri á Garði í Keypmannahavn
400 ára gamli studentagarðurin í Keypmannahavn, Regensen, er framvegis siðbundin studentagarður og har búgva í dag fimm føroyingar. Teir gomlu siðirnir eru framvegis á Garði
05-02-2024
Við Tórði á túri í egningarskúrunum á Stongunum í Klaksvík
Útróðrarbátar í Klaksvík fáa nógvan fisk, tá tað viðrar at sleppa út. Teir eru á einum máli um, at teir hava ikki niðurfiskað toskastovnin og teir eru ósamdir við frøðingarnar
29-01-2024
Við Tórði á túri í Tilhaldinum millum Bóla í Kollafirði
Pensjonistar í Kollafirði hugna sær í Tilhaldinum millum Bóla. Men tey halda, at tey kundu verið nógv fleiri. Tilhaldið er 35 ár og tey siga, at tað var fyrsa av sínum slag
22-01-2024