- Tíðindi, mentan og ítróttur
Við Tórði á túri
Við Tórði á túri í Svínáum
18-09-2013
Í hesari sendingini vitjar Tórður Mikkelsen í lítlu bygdina Svínáir, sum er við Sundalagið eysturoyarmegin
34 fólk búgva í Svínáum í dag, men eingin av teimum er eftirkomari hjá niðursetufólkunum. Øll eru tilflytarar, men tey trívast væl í hesi lítlu bygdini í Eiðis Kommunu.
Í sendingini greiðir Jóan Jacob Højsted, sum vaks upp í Svínáum, frá bygdini saman við Regini Ellingsgaard, sum hevur búð her síðani miðskeiðis í sjeytiárunum.
Vitjað verður eisini á alistøðini, har fýra mans arbeiða, á klippistovuni í bygdini og hjá einum hjúnum úr Klaksvík, sum hava gjørt nógv burtur úr urtagarðinum og økinum uttan um húsini. Granni hjá teimum er filisoffurin Jógvan Hansen.
Við Tórði á túri
Í sendingini "Við Tórði á túri", sum verður send í Útvarpinum mánadag klokkan 17:05, vitjar Tórður Mikkelsen við mikrofonini bygdir og býir kring landið og varpar ljós á gerandisdagin hjá fólki.
Forvitnið er drívmegin og evni, ið ikki skapa yvirskriftir í miðlunum, hava mangan stóran týdning fyri fólkið á staðnum.
Tað eru nógvar smærri bygdir kring landið, sum sjáldan fáa pláss í miðlunum, men sum avgjørt hava sína søgu. Og hvørt menniskja hevur eina søgu at fortelja. Tað hoyra vit í reportasjunum í Útvarpinum mánadag klokkan 17:05.
Fyri at skapa eina variatión í sendingunum, vitjar Tórður Mikkelsen viðhvørt býlingar og ávísar gøtur. Hann hevur eisini lýst serlig tiltøk, m.o. Bindifestivalin og Sjómannadagin, og onkuntíð er hann á túri í øðrum londum.
Bæði Kinabrekkan og Mattalág hava eina serliga søgu aftanfyri navnið. Tey, ið eru uppvaksin her, hava nógvar at siga frá á hesum túri
26-10-2020
Í koronatíðini hevur eitt rák tikið seg upp, har fólk vilja uppliva sjógvin á ymsan hátt. Kajakkir og aðrar flótandi fjalar eru daglig sjón
19-10-2020
Hóast lítið fólk nú býr í Skúgvi, er nógv at siga frá. Eitt av frásøgufólkunum er Svein Højgaard, ið viðurkennir at hann er ein orginalur
12-10-2020
Skúvoy er ein av bygdunum, ið eiga týðandi lut í Føroyinga søgu. Handilin er miðdepilin í bygdini og har verða dagligu evnini viðgjørd
05-10-2020
Kirkjubømenn eru á fjalli í Trøllhøvda, sum teir eiga, hóast hann er bara 100 metrar úr Sandoynni. Tróndur Patursson veit nógvar søgur úr Høvdanum
21-09-2020
Veiðan hesaferð royndist nógv betur enn væntað. Vit hoyra um arbeiðið í berginum og tá komið verður heim í Mykinesbygd
14-09-2020
Fyri nógv er tað nakað heilt serligt at sleppa við eftir grásúlu í Mykineshólmi einaferð um árið. "Súlan er góð", er kent orðatak í Mykinesi
07-09-2020
Avtoftaða bygdin Blankskáli í suðurendanum í Kalsoynni hevur eina serliga søgu. Í sendingini í dag vitja vit Blankskála saman við eftirkomarum
31-08-2020
Norðtoftir er ein lítil og ókend bygd í Borðoynni. Hon er hon áhugaverd at vitja, hóast fólk bara búgva í einum húsum og stór smoltstøð er her
22-06-2020
Býlingurin í Sandagerði er ein perla í høvuðsstaðnum. Stóri sandurin skapar trivna og sermerkti prestagarðurin er ímyndin av hesum serliga býlingi
15-06-2020
Runavík er millum allar yngstu bydir í landinum. Í 1938 fekk hon egið navn, so tey bæði fyrstu húskini kundu fáa grindapart
08-06-2020
Nógv er broytt frá tí at gamli Hvalbiartunnilin varð gjørdur í 1960-unum og til tann nýggja. Nakrir, ið vóru við at gera gamla tunnilin, greiða frá
25-05-2020