Í hesari seinnu sendingini á Glasi vitja vit á serbreytini, har tey hava nógv á skránni bæði úti og inni, á yrkisbreytini, har bæði snikkarar og timburmenn gera sveinastykki í hesum døgum, og á búskaparbreytini.

Hóast nógv eru glað fyri stóra skúlabygningin í Marknagili, so hava lærarar og einstakir næmingar víst á ymsar trupulleikar á nýggja Glasi. M.a. við teimum stóru skúlastovunum, har fleiri enn ein flokkur eru í stovuni samstundis. Tað halda tey vera sera óheppið. Steinbjørn Hardlei, skúlastjóri, er greiður yvir hetta og sigur, at dentur verður lagdur á at gera neyðugu tillagingarnar.

Leivur Torvadal, húsavørður, harmast um vandamikla vegastrekkið á høvuðsvegnum omanfyri Glasir. Hann óttast fyri, at ein vanukka hendir áðrenn tað er gjørt

nóg trygt.

Finn Jensen, dekanur, greiðir frá teimum hægru útbúgvingunum á Glasi. Skúlin bjóðar ymiskar yrkisakedemiskar útbúgvingar og hægri eftirútbúgvingar fram.

Lestrarvegleiðararnir Annie Fjallsá og Martha Weihe Dalsgaard greiða frá, hvussu tær arbeiða í lestrarvegleiðingini. 

Við í hesari seinnu sendingini á Glasi eru annars hesi fólk: 

Katrin Olsen, Elisabeth Rubeksen, Rasmus Berg Petersen, Eina Leitistein Knudsen, Leivur Torvadal, Annie Fjallsá, Martha Weihe Dalsgaard, Gunnar Andreasen, Jákup Joensen, Svanna Hanusardóttir, Steinbjørn Hardlei, Giusy Calkulli, Francesca Follo, Heini Sjóvará, Fríði Mohr, Finn Jensen, Benny Nielsen, Johan Vang og Ásla Sørensen.