- Tíðindi, mentan og ítróttur
Vísindavøka - Fyrilestrar
Noomi í Dali er tekstildesignari og hevur Master í Vaksinútbúgving og Lív-langari læring og Kandidat í Didaktik Materiel Kultur. Hon er námslektari á Námsvísindadeildini á Fróðskaparsetrinum og undirvísir í handarbeiði og kreativari námsfrøði.
Noomi í Dali granskar í klædnamentan og klædnafrøði við serligum denti á siðbundna tøkni og á framleiðslu, nýtslu, endurnýtslu og burturbeining av klædnatilfari.
Framløgan hjá Noomi í Dali snýr seg um siðbundnu bondini, sum hoyra til føroysku mentanina og verða nýtt í sambandi við tjóðbúnan.
Vísindavøka - Fyrilestrar
Á hvørjum ári skipa Granskingarráðið og granskingarstovnarnir í Føroyum fyri Vísindavøku. Endamálið er at økja um áhugan fyri gransking og fyri granskingarúrslitum í samfelagnum.
Tiltakið er er sprottið úr átakinum European Researchers’ Night, sum hvørt ár verður fyriskipað seinasta fríggjakvøld í september og í døgunum frammanundan. Tiltakið verður hildið í býum kring alt Europa.
Við Vísindavøkuni ynskja Granskingarráðið og stovnarnir at skapa øktan kunnleika til og áhuga fyri tí, sum fer fram innan føroyska granskingarheimin.
