Gestastovan

GESTASTOVAN: Ein mannarættur at búgva bíliga
02-08-2021
Elin Hentze í Havn er blivin kend sum oddafólk í fylkingini fyri betri bústaðarmøguleikum í Føroyum. Talan er um felagið 'Búgva' og Facebook-bólk við sama endamáli.

Elin Hentze vaks upp í Havn. Í sendingini verður eisini tosað um annað enn bústaðar-støðuna í Føroyum, uppvøksturin er eitt evni, eisini verður prátað um pólarisering millum fólk. Stutt samanumtikið hevur hennara yrkisleið verið merkt av miðling og samskifti og hon er eisini cand.mag í film- og miðlavísund, umframt at hava lisið marknaðarbúskaparfrøði.

Seinastu árini hevur Elin Hentze verið virkin í ferðavinnuni. Sum liður í ferðaleiðara-útbúgvingini í Vestmanna fór hon ein sokallaðan 'Music Walk' túr í gomlu Havnini, har ein hoyrdi um Bakar Hansen, Svabo, Áarstovubrøðirnar og onnur fólk, sum framvegis merkja tónleikalívið í Føroyum.

Men seinastu árini hevur hon lagt mestu orkuna í áhugafelagið 'Búgva' og FB-bólkin 'Fjølbroyttari bústaðarmøguleikar í Føroyum'. Eins og ST heldur hon tað vera ein mannarætt at hava eitt býli, sum ein megnar at gjalda. Sum hon sigur: 'Tað er ikki eitt frælst fólk, sum ikki hevur ráð til annað enn tak yvir høvdið'.

Gestastovan 2. august 2021.

 

Gestastovan

Nøkur av Fólksins rødd evnunum frá 2009-2011 verða lýst av nýggjum í elllivu sendingum av Gestastovuni. Men eisini verður tosað um annað, nú hvør luttakari fær eina heila útvarpssending til at greiða frá í. Harafturat verða brot úr 'Fólksin Rødd' upprunasendingum og tónleikur at hoyra.
GESTASTOVAN: 'Henni leingist eftir tí fordómsleysa samfelagnum”
Hetta er ein sending um álvara og gaman. Elisa Vang er frælslynt og smílandi; tað gevur henni eginleikan at ganga á odda í herferðini móti fiti-skamman, sum er ein fobi.
30-08-2021
GESTASTOVAN: 'Eg vil gera mun og mennast'
Trina Eysturoy er høg og ryggurin rættur; eisini í fluttari merking, tí hon er talskvinna fyri eina fylking, sum stríðist fyri betri lívsdygd hjá nógvum fólkum í Føroyum.
23-08-2021
GESTASTOVAN: 'Ein dag í senn'
Sum hálvvaksin valdi Knút Olsen tað mangan baldruta sjólívið. Seinni varð sjálvt lívið baldrut, men í dag er hann glaður og trívist. Í frítíðini hjálpir hann til í HB.
16-08-2021
GESTASTOVAN: 'Eg ætlaði mær sjógvin, men...'
..ístaðin bleiv tað til prestastørv í fleiri londum, tó í dag er hann mentanarstjóri í SALT á Tvøroyri; ein stovnur, sum hann sjálvur fekk gjørt til veruleika saman við øðrum.
09-08-2021
GESTASTOVAN: Ein mannarættur at búgva bíliga
Elin Hentze í Havn er blivin kend sum oddafólk í fylkingini fyri betri bústaðarmøguleikum í Føroyum. Talan er um felagið 'Búgva' og Facebook-bólk við sama endamáli.
02-08-2021
GESTASTOVAN: Nú koma tey heim aftur at búgva...
Staddur í Onglandi og á einum vegamóti, men samkyndi Eiler Fagraklett vildi ikki lata eg kúga og tók støðuna, at tað mest rættvísa er, at Føroyar broyta seg. Og ikki hann.
26-07-2021
GESTASTOVAN: 'Tað grør um gangandi fót...'
Á Tvøroyri er framburður og eisini bókstaviliga grør um gangandi fót hjá Turið Vestergaard í Dali, sum er náttúrufólk, ið spákar millum blómur og pílar. Og koladungar.
19-07-2021
GESTASTOVAN: 'Góða lívið fæst bara í felagsskapi'
Poul Jákup Thomsen vildi liva og ikki bara 'yvirliva'. Tí valdi hann at fara gjøgnum møtumiklu pínuna frá fortíðini og harvið vinna tað góða lívið, sum hann livir í dag.
12-07-2021
GESTASTOVAN: 'Ein kann halda seg ungan alt lívið'
Dagliga vegleiðir Vivian Sjóðklett fólki í sjálvsrannsakan og positivum lívsbroytingum. Men hon hevur eisini samband við tað útvenda og trívist væl á motorsúkklu.
05-07-2021
  •