Tónleikur møtir sjónleiki á Tjóðpallinum

30-11-2020

Tjóðpallurin hýsir klassiska teaturkonsert í samstarvi við opera.fo

– Tað er deiligt at uppliva, at føroyingar nú kunnu gera eina slíka skrá.

Soleiðis sigur Ernst Sondum Dalsgarð, tenorur, sum er ein av teimum fýra opera-sangarunum, sum framføra operatónleik á Tjóðpallinum í hesum døgum.

Saman við honum syngja sopranurnar Birita Adela Davidsen og Birita Poulsen, umframt Herfinnur Árnafjall, sum er bariton. Sostatt eru fýra føroyskir operasangarar á palli saman, og tað er eitt nýbrot.

Kapellmeistari er Jóhannes Andreasen, sum eisini er við í sjónleikinum, og Annfinnur Heinesen er leikstjóri og bindur leikin saman sum frásøgufólk.

"Soirée Fantastique" er samstarv millum Tjóðpall Føroya og Opera.fo, sum við hesum hevur sett sín næsta leik á pall. Leikurin verður sýndur hvønn dag fram til 9. desember.

Hoyr samrøðuna við Ernst Sondum Dalsgarð, Jóhannes Andreasen og Annfinn Heinesen, sum seta klassisku teaturkonsertina í ein størri samanhang.

Nón

Sending, sum var at hoyra í útvarpinum frá 2017-2022. Nón er løtan á degnum um trítíðina seinnapart. Nón er eisini ein sending í útvarpinum, har karmurin er mentan og samfelag.

Nón 1. juni 2022

Framsýning við Gudrun Hasle og Savnandi Savndsdagur

01-06-2022

Framsýning varpar ljós á orðblindi og skrivifrælsi

Gudrun Hasle er listakvinna og orðblind, og nýtir orðblindi í listini. Hon heldur, at vit kunnu missa áhugaverdar røddir, um orðblind ikki tora at úttala seg.

01-06-2022

Marita Dalsgaard skal leiða Sydhavn Teater

1. oktober verður Marita S. Dalsgaard fyrisitingarstjóri á Sydhavn Teater í Danmark.

31-05-2022

Nýggj bók um søguna hjá Sinnisbata og føroysku sálarsjúkusøguna

Tað er framvegis tørvur á at varpa ljós á sálarsjúkuøkið í Føroyum, sigur Grækaris Djurhuus Magnussen, sum júst hevur latið úr hondum bókina "Sálareyga - Sinnisbati 40 ár"

31-05-2022

Nón 30. mai 2022

Bókin "Sálareyga - Sinnisbati 40 ár" og Marita S. Dalsgaard nýggjur fyrisitingarleiðari í Sydhavn Teater.

30-05-2022