Franz Beckenbauer deyður 

Hann bleiv bara róptur Keisarin, Franz Beckenbauer, tí hann stýrdi fótbóltsdystum sum ein annar keisari afturi frá verjuni, har hann spældi sum tað tey róptu libero. 

Franz Beckenbauer, ið nærmast uppfann hendan serliga leiklut á vøllinum, er ein av bestu fótbóltsleikarum gjøgnum tíðirnar og kann metast við so frægar leikarar sum Pele, Maradona, Zidane, Messi og Ronaldo. 

Men tað er júst fintan, tí hóast Keisarin var verjuspælarin, so hevði hann ein leysan leiklut, ið gjørdi, at hann kundi fara framvið í álop. So í grundini var hann eitt slag av fullkomnum fótbóltsleikari, tí hansara rate fram eftir vøllinum vóru tiltikin. 

Franz Beckenbauer

Føddur í 1945

Franz Anton Beckenbauer varð borin í heim 11. september 1945 í München og vaks upp í arbeiðarabýarpartinum Giesing. 

Longu sum níggju ára gamal byrjaði hann at spæla fótbólt við lokala felagnum SC München, og fimm ár seinni vóru boð eftir honum í Bayern München, sum um hetta mundi als ikki var vorðið tað stórfelag, sum tað er í dag. 

Upprunaliga spældi Franz Beckenbauer sum áleypari, men hann bleiv seinni fluttur aftur á miðvøllin, har hansara framúrskarandi yvirblikk og skil fyri spælinu kom betur til sín rætt. Seinni endaði hann sum libero í verjuni. 

Franz Beckenbauer

Vann Ballon d'Or tvær ferðir

Fyrsta dystin á týska landsliðnum spældi Beckenbauer í 1965, og hann var liðskipari, tá Týskland vann bæði EM í 1972 og HM í 1974 á heimavølli í Týsklandi. 

Franz Beckenbauer hevur eisini vunnið alt, ið er vert at vinna við Bayern München. Fýra týsk meistaraheitir og tríggjar Europa Cup fyri meistaralið - tað, sum í dag eitur Champions League. 

Bæði í 1972 og 1976 fekk Franz Beckenbauer eisini sonevnda Ballon d'Or-heiðurin, fyri at vera besti leikari í Evropa. Keisarin er einasti verjuleikari, ið hevur vunnið heiðurin tvær ferðir. 

Franz Beckenbauer

Franz Beckenbauer spældi sín landsdysti nummar 103 í 1977, ið eisini gjørdist hansara síðsti. 

Vann eisini HM sum venjari

Umframt Bayern München, so spældi Keisarin fyri New York Cosmos og Hamburger SV, áðrenn hann setti gaggurnar á hillina í 1983. 

Longu í 1984 byrjaði Franz Beckenbauer sum venjari fyri týska landsliðnum, ið var hansara fyrsta venjarastarv.

Longu í 1986 vann hann silvur við HM í Meksiko. Síðani bleiv til bronsu til EM í 1988, áðrenn Franz Beckenbauer førdi Týskland til HM-gull í Italia í 1990. 

Franz Beckenbauer

Franz Beckenbauer skrivaði seg inn í søgubøkurnar sum bert tann næsti, ið vann HM sum bæði leikari og venjari. Tann fyrsti var Mario Zagallo úr Brasilia, ið vann sum leikari í 1958 og 1962 og sum venjari í 1970. Síðani hevur franski Didier Deschamps eisini gjørt teimum kynstrið eftir, tá hann vann HM í 1998 sum leikari og í 2018 sum venjari. 

Beckenbauer vann eisini týska meistaraheitið sum venjari hjá Bayern München í 1994. 

Keisarin var 78 ár nú hann handaðist. 

Kvøðurnar til Keisaran floyma út á sosialu miðlarnar. 

It fills me with deep sadness to hear about the passing of Franz Beckenbauer, a true icon of the game. It was a privilege to share one of my proudest moments with him when he presented my 100th cap for Scotland. My thoughts are with him and his family at this time. RIP Der Kaiser pic.twitter.com/32p8T2rEkI

— Sir Kenny Dalglish (@kennethdalglish) January 8, 2024

Very sorry to hear that Franz Beckenbauer has died. One of the absolute greats of our game. Der Kaiser was the most beautiful of footballers who won it all with grace and charm. RIP.

— Gary Lineker (@GaryLineker) January 8, 2024

Franz Beckenbauer, one of European football's greatest sons, has passed away aged 78.

"Der Kaiser" was an extraordinary player, successful coach and popular pundit who shaped German football like no other. pic.twitter.com/rW12ArNnNh

— UEFA (@UEFA) January 8, 2024

Tributes have poured in for Franz Beckenbauer

Sky Sports' Geraint Hughes discusses the icon of German football, who captained the side to the World Cup in 1974 and then lead them to glory as manager in 1990 pic.twitter.com/4dDjDdv58a

— Sky Sports News (@SkySportsNews) January 8, 2024