Í sendingini "Heartist", vit kundu kanska kallað tað hjartalist ella list frá hjartanum, fylgja vit við í gerandisdegnum og arbeiðinum hjá Sigrun Gunnarsdóttir, sum er eitt av kendastu nútíðar listafólkunum í Føroyum. Litríki og einfaldi stílurin hevur givið endurljóð í listaheiminum og er viðurkendur bæði her heima og uttanlands. Sendingin leitar inn í hennara listarligu visjón, persónligu avbjóðingar og eginleikar.