Færri koyra í Eysturoyartunlinum halgidagar

211 færri bilar koyrdu í Eysturoyartunlinum í miðal um dagin í apríl samanborið við mars.

Í apríl koyrdu 4.086 bilar í miðal gjøgnum tunnilin um dagin. Í mars var talið 4.297 bilar.

Eisini í Norðoyartunlinum og Vágatunlinum koyrdu færri bilar í apríl samanborið við mars.

Í Norðoyartunlinum vóru 473 færri bilar, og í Vágatunlinum vóru 176 færri bilar um dagin.

Páskirnar og dýri biðidagur vóru í apríl, og tí var minni ferðsla í Eysturoyartunlinum, sigur Teitur Samuelsen, stjóri í p.f Eystur- og Sandoyartunlum.