- Tíðindi, mentan og ítróttur
Skoytubreytin til ampa fyri vinnulívið
Handlar í miðbýnum í Havn eru sera ónøgdir um, at kommunan hevur avgjørt at leggja skoytubreytina í Vágsbotni.
Tað ber í sær, at bilferðslan verður munandi darvað. Til dømis kunnu bilar ikki koyra beinleiðis millum Skálatrøð og Vaglið.
Hetta oyðileggur vinnulívið í býnum, halda fleiri vinnurekandi.
Teirra millum eru Høgni Lützen, stjóri í Valdemar Lützen, Carl August Arge, útróðrarmaður, og Siri Eysturoy.
Hoyr innslag í útvarpstíðindunum.
Vit hava biðið um eina viðmerking frá Anniku Olsen, borgarstjóra í Havn, men hon vísir til Boga Jacobsen, tekniska stjóra hjá kommununi.
Borgarstjórin sigur í sms-boðum, at málið um staðseting av skoytubreytini er tikin í mentanarnevndini og byggi- og býarskipanarnevndini eftir tilmæli frá umsitingini.
Tað hevur ikki eydnast at fáa orðið á Boga Jacobsen, tekniska stjóra í kommununi.
Tak niður