TAKS-stjórin: Allarhelst talan um hvítting

Í gjár vóru tveir útlendingar, sum búgva í Føroyum, steðgaðir í Vága Floghavn við góðum 100.000 evrum í viðførinum, tað er umleið 800.000 krónur.

Tað er nærliggjandi at halda, at talan er um hvítting, sigur Eyðun Mørkøre, stjóri í TAKS. Sambært tolllógini, hevur tollvaldið eftirlit við tøkum peningi, sum er í sendingum.

Tað vil siga, at løgfrøðiligir ella likamligir persónar, sum senda tøkan pening samsvarandi við 10.000 evrur ella meira, skulu boða tollvaldinum frá í seinasta lagi, tá sendingin kemur inn í føroyska tolløkið ella fer úr føroyska tolløkinum.