Bókin er eftir ein kendan rithøvund

30.10.2019 - 07:05
Mentan
Bókin er eftir ein kendan rithøvund
Ein bók ella eitt verk er eftir EIN kendan rithøvund ella eitt kent listafólk. Bókin ella verkið er ongantíð eftir EINUM kendum høvundi ella fólki
Mynd: Tilvildarlig mynd  

Summar fyrisetingar kunnu bæði taka hvønnfall og hvørjumfall, og eftir er ein teirra.

Tað er ikki altíð so lætt at vita, nær vit nýta hvønnfall og nær hvørjumfall, sigur Elin Henriksen, málkøn, sum hevur gjørt nøkur dømi niðanfyri. 

Fyrsta dømi:
Hvønnfall er um eftirsitandi, um tað, sum liggur eftir ein, uppruna:

  • Hetta er einkjan eftir ein fyrrverandi løgmann.
  • Tað liggur nógv eftir hann.
  • Bókin er eftir ein kendan rithøvund.
  • Eitt listaverk eftir eina dugnaliga listakonu.

Um vit geva listafólkinum ella rithøvundinum eitt navn, so skal tað sigast soleiðis:

Bókin ella verkið er eftir Jákup Olsen, ikki Jákupi Olsen.

Annað dømi: 
Hvørjumfall er í sambandi við rørslu, kenslur o.a.:

  • Børnini fóru eftir bóltinum.
  • Hann leitar eftir onkrum.
  • Mær leingist eftir henni.
  • Kettan rennur eftir músini.
  • Bóndin fór í hagan at hyggja eftir seyði.

Triðja dømi:
Stendur eitt staðarhjáorð framman fyri eftir, so er altíð hvørjumfall:

  • Ættin er út eftir firðinum.
  • Báturin kemur inn eftir vágni.
  • Tey ganga niðan eftir gøtuni.

Fjórða dømi:
Í sambandi við tíð mugu vit spyrja, um talan er um tíðarskeið ella tíðarfesting.
Tíðarskeið (ígjøgnum eitt tíðarskeið) tekur hvørjumfall:

  • Har hendi nógv eftir einum degi.
  • Húsini vóru bygd eftir einum ári.
  • Eftir einari viku hevði hon tjent seks túsund krónur.

Fimta dømi:
Tíðarfesting (tá ið vit kundu sagt 'aftan á') tekur hvønnfall:

  • Eftir tann dag sóu vit tey ongantíð aftur.
  • Eftir jól fara dagarnir at leingjast.
  • Eftir tveir mánaðir á sjúkrahúsi var hon umsíðir frísk.

Ein góð tummilsregla fyri, nær fyrisetingin, eftir, í hesum førinum stýrir hvønn- ella hvørjumfalli er orðið, aftaná.

Kanst tú seta aftaná inn í staðin fyri eftir, er tað hvønnfall. Kanst tú ikki seta aftaná inn í staðinfyri, er tað hvørjumfall.

 
Er kopiera

Tak niður

Sí eisini

06.09.21
128226
10.05.21
124049
Nýggjastu sendingar í ÚV
Sunnudag 19. september
Bolero 19. september 2021
128774
Sunnudag 19. september
Guðstænasta í Gøtu kirkju
128766
Sunnudag 19. september
Credo: Kirkjan hon er eitt gamalt hús.
128628
Leygardag 18. september
Brunsj við Poul Rustin
128761
Leygardag 18. september
Jambalaja 180921
128758
Nýggjastu sendingar í SV
Sunnudag 19. september
Guðstænasta úr Gøtu kirkju.
128771
Sunnudag 19. september
Andakt við Jógvan Zachariassen
128767
Fríggjadag 17. september
RagnarRokk Reyp 23.september 2021
128699
Týsdag 14. september
VIDEO: 100 kvinnur maskinbinda
128599