- Tíðindi, mentan og ítróttur
Edvard og LP'irnar
Fyri nøkrum árum síðani hevði Edvard Nyholm Debess sendingina "LP'in" í útvarpinum. Vikuskiftissendingin hevur verið á gátt hjá honum fyri at fregnast um, hvussu hann nú hevur tað við plátum heima hjá sær sjálvum - og væl stendur til. Edvard hevur eitt stórt stereoanlegg, sum hann glaður og errin vísir fram. Hetta hevur hann savnað saman gjøgnum alt lívið. Spurdur um, hvat stereoanleggið man hava kostað honum í krónum og oyrum, svarar hann, at tað vil hann ikki inn á, men hann leggur afturat, at hann "ikki hevur hevur rasarabát" - so kunnu vit gita. Edvard er sera fegin um at hava hetta sum ítriv og lurtar nógv eftir plátum, ikki bara einsamallur men eisini saman við konuni. Nú er Edvard sjálvur tónleikari og er kendur serliga frá jazzi og klassiskum tónleiki, men hansara plátusavn rúmar nógvum øðrum tónleikasjangrum, t.d. alt frá Faroe Boys til enskan progressivan rock sum Emerson Lake and Palmer og Genesis. Tó at Edvard er glaður fyri LP'ina sum miðil, hevur hann ikki enn sjálvur givið nakra LP út sum tónleikari
Tak niður
Sí eisini