Víkingur vitjar við Løkin

Oddaliðið í Betrideildini við monnum, Víkingur, vitjar NSÍ í Runavík í kvøld.

Víkingur hevur fult stigatal eftir seks tey fyrstu umførini, meðan runavíkingarnir við Peturi Knudsen á odda hava bitið frá sær og hava 12 stig á 4. plássi.

Kringvarpið sigur frá dystinum við Løkin í útvarpinum kl. 19:00. 

B68 undir trýsti

B68 er undir stórum trýsti undan botnuppgerðini á Skála. Toftamenn hava bert eitt stig enn, og liggja undir niðurflytingarstrikuni, meðan Skála hevur fýra stig á 8. plássi. 

Ein annar, sum er undir trýsti, er B36-venjarin, Dan Brimsvík. Seinastu tríggir dystirnir í landskappingini hava bert givið eitt stig, og tí kemur tað ivaleyst væl við, at ÍF vitjar í Gundadali í kvøld. 

Fjórði dysturin í kvøld er ímillum 07 Vestur og HB. HB er komið væl frá byrjan í ár við fimm sigrum og bert einum tapi, meðan 07 Vestur liggur á 5. plássi við 11 stigum.

Í morgin stendur Espen Haug á odda fyri KÍ, sum vitjar við Margáir hjá EB/Streymi. 

7. umfar, Betrideildin, menn 

Kl. 18:00 07 Vestur - HB
Kl. 18:00 B36 - ÍF
Kl. 19:00 Skála - B68
Kl. 19:00 NSÍ - Víkingur 

Týsdagin 30. apríl

Kl. 18:00 EB/Streymur - KÍ