Skerdir føroyameistarar taka ímóti ÍF

Tveir av ungu spælarunum hjá KÍ fáa møguleikan frá byrjan, tá KÍ tekur ímóti ÍF í dag. Dysturin við Djúpumýrar er ein av fýra í landskappingini í fótbólti í dag

Árni Frederiksberg byrjar eisini inni fyri KÍ, sum tekur ímóti ÍF í Klaksvík

Mynd: Bjarni Árting Rubeksen

Símun Christian Olsen

10.03.2024 - 14:52

Jóhan Josephsen og Jákup N. Vilhelmsen byrja inni í fyrsta dystinum hjá KÍ í ár.

Føroyameistarin tekur ímóti ÍF, og átta skaðar gera, at teir báðir fáa kjansin frá fyrsta bríksli, skrivar Norðlýsið.

Ari í Haraldsstovu Petersen, sum kom úr 07 Vestur í vetur, byrjar innni í málinum hjá teimum bláu.

Fýra dystir í dag

Tríggir aðrir dystir í Betri-deildini við monnum eru í dag.

Klokkan 17:00 tekur B68 ímóti B36 á Svangaskarði. Ein tíma seinni byrjar dysturin ímillum HB og NSÍ í Gundadali í Havn. Útvarpið sigur frá spennandi uppgerðini beint eftir tíðindini.

Klokkan 18:30 spæla Skála og EB/Streymur undir Mýruhjalla á Skála.

Í gjár vann Víkingur ársins fyrsta landskappingardyst. Finnur Justinussen og Sølvi Vatnhamar skutu málini í 2-0 sigrinum á 07 Vestur í Sørvági.