- Tíðindi, mentan og ítróttur
Jóhanna á danska landsliðnum
Jóhanna á danska landsliðnum
Jóhanna Fossdalsá Sørensen er tikin út til danska fótbóltslandsliðið, sum skal spæla venjingardyst ímóti Eysturríki í næstum
Mynd: BK Häcken
15.02.2024 - 12:10
Jóhanna Fossdalsá Sørensen er tikin út til danska fótbóltslandsliðið fyri fyrstu ferð.
BK Häcken-spælarin hevur spælt væl í Champions League í vetur og kann fáa sín fyrsta landsdyst fyri Danmark, sum skal spæla venjingardyst ímóti Eysturríki 28. februar.
- Hon hevur staðið seg framúr væl og hevur nógvar av teimum dygdunum, sum vit ynskja okkum á miðvøllinum, sigur danski landsliðsvenjarin, Andrée Jeglertz, sambært dr.dk.
18 ára gamli hoyvíkingurin hevur fyrr umboðað føroysk ungdómslandslið, men síðstu árini hevur hon spælt við U16, U17 og U19-landsliðini hjá Danmark.
Í samrøðu við Kringvarpið segði Jóhanna Fossdalsá Sørensen, at hon vónaði at fáa sín fyrsta A-landsdyst í ár.
Danski landsliðsvenjarin, Andrée Jeglertz, hevur tikið Jóhannu Fossdalsá Sørensen út til danska A-landsliðshópin. MYND: Thomas Traasdahl/Ritzau Scanpix
Nýggjastu sendingar í ÚV
Nýggjastu sendingar í SV